ಕಾಸರಗೋಡು: ಕೆ ಎಸ್ ಆರ್ ಟಿ ಸಿ ಬಸ್ಸು ಡಿಕ್ಕಿ ವ್ಯಕ್ತಿ ಸಾವು

•   Sun, May 13 2018 09:42:00 AM



• ಕಾಸರಗೋಡು,ಮೇ13: ಕೆ ಎಸ್ ಆರ್ ಟಿ ಸಿ ಬಸ್ಸು ಡಿಕ್ಕಿ ಹೊಡೆದು ಬೀದಿ ವ್ಯಾಪಾರಿಯೊಬ್ಬರು ಸಾವನ್ನಪ್ಪಿದ ದಾರುಣ ಘಟನೆ ಶನಿವಾರ ರಾತ್ರಿ ಚೆಮ್ನಾಡ್ ಮುಂಡಂಕುಲ ಜಂಕ್ಷನ್ ಬಳಿ ನಡೆದಿದೆ. ಮೃತಪಟ್ಟವರನ್ನು ಮಧೂರು ಅರಂತೋಡಿನ ಇಬ್ರಾಹಿಂ ಎಂದು ಗುರುತಿಸಲಾಗಿದೆ. ೫೦ರ ಹರೆಯದ ಇಬ್ರಾಹಿಂ ಕೆಲಸ ಮುಗಿಸಿಕೊಂಡು ಮನೆ ಕಡೆಗೆ ತೆರಳುತ್ತಿದ್ದು, ರಾತ್ರಿಯಾಗಿದ್ದರಿಂದ ರಸ್ತೆ ದಾಟುವ ಧಾವಂತದಲ್ಲಿ ಎದುರುಗಡೆಯಿಂದ ಬಂದ ರಾಜ್ಯ ಸಾರಿಗೆ ಸೂಪರ್ ಫಾಸ್ಟ್ ಬಸ್ಸು ಇವರಿಗೆ ಡಿಕ್ಕಿ ಹೊಡೆದಿದೆ.

  

  ಗಂಭೀರ ಗಾಯಗೊಂಡು ಬಿದ್ದಿದ್ದ ಇವರನ್ನು ಕೂಡಲೇ ಮಂಗಳೂರು ಆಸ್ಪತ್ರೆಗೆ ಕೊಂಡೊಯ್ಯುವ ವೇಳೆ ಮಾರ್ಗ ಮಧ್ಯೆ ಸಾವನ್ನಪ್ಪಿದರು. ಇಬ್ರಾಹಿಂ ಅವರು ಕಳೆದ ಐದು ತಿಂಗಳಿನಿಂದ ಚೆಮ್ನಾಡ್‌ನಲ್ಲಿ ಬೀದಿ ವ್ಯಾಪಾರ ಮಾಡುತ್ತಿದ್ದರು. ಅಪಘಾತಕ್ಕೀಡಾದ ಬಸ್ಸನ್ನು ಬೇಕಲ ಠಾಣಾ ಪೊಲೀಸರು ವಶ ಪಡಿಸಿಕೊಂಡಿದ್ದಾರೆ.