ಉಳ್ಳಾಲ: ವಿದ್ಯಾರ್ಥಿನಿಯ ಅತ್ಯಾಚಾರಕ್ಕೆ ಯತ್ನಿಸಿದ ಯುವಕನಿಗೆ ಸಾರ್ವಜನಿಕರಿಂದ ಬಿತ್ತು ಗೂಸ

•   Sat, Sep 23 2017 10:11:27 PM



• ಉಳ್ಳಾಲ,ಸೆ23: ಯುವಕನೋರ್ವ ವಿದೇಶಿ ವಿದ್ಯಾರ್ಥಿನಿಯ ಅತ್ಯಾಚಾರಕ್ಕೆ ಯತ್ನಿಸಿರುವ ಘಟನೆ ಉಳ್ಳಾಲ ಪೊಲೀಸ್ ಠಾಣಾ ವ್ಯಾಪ್ತಿಯ ದೇರಳಕಟ್ಟೆ ಪಾನೀರು ಎಂಬಲ್ಲಿ ನಡೆದಿದೆ. ಹರೇಕಳ ಮೂಲದ ಯುವಕನೋರ್ವನನ್ನು ಸಾರ್ವಜನಿಕರು ಹಿಡಿದು ಪೊಲೀಸರಿಗೆ ಒಪ್ಪಿಸಿದ್ದಾರೆ.

  

  ದೇರಳಕಟ್ಟೆಯಿಂದ ಪಾನೀರು ಕಡೆಯ ಆಶ್ರಮದತ್ತ ವಿದ್ಯಾರ್ಥಿನಿಯರಿಬ್ಬರು ನಡೆದುಕೊಂಡು ಬರುವ ಸಂದರ್ಭ ಅವರನ್ನು ಹಿಂಬಾಲಿಸಿಕೊಂಡು ಬಂದ ಯುವಕ ಅರ್ಧದಾರಿಯಲ್ಲಿ ಅಡ್ಡಗಟ್ಟಿ ಮೈಮೇಲೆ ಕೈಹಾಕಿ, ಅಸಭ್ಯವಾಗಿ ವರ್ತಿಸಿ ಅತ್ಯಾಚಾರಕ್ಕೆ ಯತ್ನಿಸಿದ್ದನು. ಕೂಡಲೇ ವಿದ್ಯಾರ್ಥಿನಿ ಬೊಬ್ಬಿಟ್ಟಾಗ ಸ್ಥಳೀಯರು ಸ್ಥಳಕ್ಕೆ ಧಾವಿಸಿ ಯುವಕನನ್ನು ಹಿಡಿದು ಉಳ್ಳಾಲ ಪೊಲೀಸರಿಗೆ ಒಪ್ಪಿಸಿದ್ದಾರೆ. ಯುವಕ ಮಾನಸಿಕ ಅಸ್ವಸ್ಥನಾಗಿದ್ದು, ವೆನ್ಲಾಕ್ ಆಸ್ಪತ್ರೆಯಲ್ಲಿ ದಾಖಲಾಗಿದ್ದ ಪತ್ರವನ್ನು ಯುವಕನ ಹೆತ್ತವರು ಪೊಲೀಸರಿಗೆ ಒಪ್ಪಿಸಿದ್ದಾರೆ.