ನಾನು ಬಂದ್ ಕರೆ ನೀಡಿಲ್ಲ, ರೈತರೇ ಸ್ವಯಂ ಪ್ರೇರಿತರಾಗಿ ಬಂದ್ ಕರೆ ನೀಡಿದ್ದಾರೆ - ಬಿ.ಎಸ್. ಯಡಿಯೂರಪ್ಪ

•   Sun, May 27 2018 03:35:55 PM



• ಬೆಂಗಳೂರು, ಮೇ 27 : ರಾಜ್ಯ ಸರಕಾರ 24 ಗಂಟೆಯೊಳಗಾಗಿ ರೈತರ ಸಾಲ ಮನ್ನಾ ಮಾಡದೇ ಇದ್ದರೆ ಸೋಮವಾರ ರಾಜ್ಯಾದ್ಯಂತ ಬಂದ್‌ ನಡೆಸುವುದಾಗಿ ವಿಧಾನಸಭೆಯಲ್ಲಿ ಹೇಳಿಕೆ ನೀಡಿದ್ದ ಬಿ.ಎಸ್‌.ಯಡಿಯೂರಪ್ಪ ಇದೀಗ ಯೂಟರ್ನ್‌ ಹೊಡೆದಿದ್ದಾರೆ. ನಾನು ಬಂದ್'ಗೆ ಕರೆ ನೀಡಿಲ್ಲ, ರೈತರೇ ಸ್ವಯಂ ಪ್ರೇರಿತ ಬಂದ್ ಮಾಡುತ್ತಾರೆ. ಅವರ ಪರವಾಗಿ ನಾನು ಸದನದಲ್ಲಿ ಮಾತನಾಡಿದ್ದೆ ಅಷ್ಟೇ ಎಂದು' ಶನಿವಾರ ತಿಳಿಸಿದ್ದಾರೆ.

  

   

  ಬೆಂಗಳೂರಿನ ರಾಜರಾಜೇಶ್ವರಿನಗರ ಚುನಾವಣೆ ಪ್ರಚಾರ ಸಂದರ್ಭ ಮಾಧ್ಯಮ ಪ್ರತಿನಿಧಿಗಳೊಂದಿಗೆ ಮಾತನಾಡಿದ ಅವರು, ಬಿಜೆಪಿ ಪಕ್ಷ ಕರ್ನಾಟಕ ಬಂದ್‌ ನಡೆಸುವುದಕ್ಕೆ ಕರೆ ನೀಡಿಲ್ಲ. ಕುಮಾರಸ್ವಾಮಿ ಈ ಹಿಂದೆ ಹೇಳಿದಂತೆ ಸಾಲ ಮನ್ನಾ ಮಾಡದ ಕಾರಣ ರೈತರು ಕರೆ ನೀಡಿರುವ ಬಂದ್‌ ಗೆ ರಾಜ್ಯಾದ್ಯಂತ ಬಿಜೆಪಿ ಬೆಂಬಲ ನೀಡುತ್ತದೆ. ಆದರೆ ಬೆಂಗಳೂರಿನಲ್ಲಿ ಚುನಾವಣೆ ಇರುವ ಕಾರಣ ಯಾವುದೇ ಪ್ರತಿಭಟನೆ ಹಾಗೂ ಬಂದ್‌ ಇರುವುದಿಲ್ಲ ಎಂದು ತಿಳಿದ್ದಾರೆ. ಈ ನಡುವೆ ಕೆಪಿಸಿಸಿ ಕಾನೂನು ಘಟಕ ಬಂದ್‌ ಕರೆ ನೀಡಿರುವ ಯಡಿಯೂರಪ್ಪ ವಿರುದ್ಧ ರಾಜ್ಯ ಪೊಲೀಸ್‌ ಮಹಾ ನಿರ್ದೇಶಕರಿಗೆ ದೂರು ನೀಡಿದೆ.