ರೈತರಿಗೆ ಇಂದು ಸಿಹಿಸುದ್ದಿ ? ಸಾಲಮನ್ನಾಗೆ ಸಮ್ಮತಿ ಸಾಧ್ಯತೆ

•   Wed, May 30 2018 10:39:16 AM



• ಬೆಂಗಳೂರು, ಮೇ 30: ರೈತರ ಕೃಷಿ ಸಾಲ ಮನ್ನಾ ವಿಚಾರದಲ್ಲಿ ತೀವ್ರ ಒತ್ತಡಕ್ಕೆ ಸಿಲುಕಿರುವ ರೈತರ ಸಂಪೂರ್ಣ ಸಾಲ ಮನ್ನಾ ವಿಚಾರದಲ್ಲಿ ಸಿಎಂ ಎಚ್.ಡಿ ಕುಮಾರಸ್ವಾಮಿ ಬುಧವಾರ ತಾತ್ವಿಕ ಸಮ್ಮತಿ ಪ್ರಕಟಿಸುವ ನಿರೀಕ್ಷೆ ಇದೆ. ಸಾಲ ಮನ್ನಾ ಮಾಡುವಂತೆ ನಾಡಿನ ಉದ್ದಗಲಕ್ಕೂ ರೈತರಿಂದ ಹೆಚ್ಚುತ್ತಿರುವ ಬೇಡಿಕೆ ಹಾಗೂ ಪ್ರತಿಪಕ್ಷ ಬಿಜೆಪಿ ಒತ್ತಡದ ಹಿನ್ನಲೆಯಲ್ಲಿ ಸಿಲುಕಿರುವ ಸಿಎಂ ಬುಧವಾರ ಬೆಳಗ್ಗೆ ಸಚಿವ ಸಂಪುಟ ಸಭೆ ಕರೆದಿದ್ದು, ಸಾಲ ಮನ್ನಾಕ್ಕೆ ತಾತ್ವಿಕ ಒಪ್ಪಿಗೆಯ ತೀರ್ಮಾನ ಕೈಗೊಳ್ಳುವ ಸಾಧ್ಯತೆ ಇದೆ. ಇದಕ್ಕೂ ಮೊದಲು ಸಿಎಂ ತೈತ ಮುಖಂಡರ ಜತೆ ಚರ್ಚಿಸಲಿದ್ದಾರೆ. ಈ ಸಭೆಗೆ ಪ್ರತಿಪಕ್ಷ ಮುಖಂಡ ಯಡಿಯೂರಪ್ಪ ಅವರಿಗೂ ಆಹ್ವಾನ ನೀಡಿದ್ದಾರೆ.

  

  ಈ ಸಂದರ್ಭದಲ್ಲಿ ಸಾಲ ಮನ್ನಾದಿಂದ ಆಗುಬಹುದಾದ ಪರಿಣಾಮಗಳು , ಮನ್ನಾ ಮಾಡಲು ಇರುವ ಅವಕಾಶಗಳು ಸಂಪನ್ಮೂಲ ಕ್ರೋಡಿಕರಣ ಮಾರ್ಗಗಳು ಹಾಗೂ ಒಟ್ಟಾರೆ ನಿರ್ಧಾರದಿಂದ ಸರ್ಕಾರಕ್ಕೆ ಮತ್ತು ಮುಂದುವರಿದ ಯೋಜನೆಗಳಿಂದ ಎದುರಾಗಬಹುದಾದ ತೊಡಕುಗಳ ಕುರಿತು ಚರ್ಚಿಸುವ ಸಾಧ್ಯತೆ ಇದೆ.