ನಿಫಾ ವೈರಸ್ ಗೆ ಕೇರಳದಲ್ಲಿ ಮತ್ತೆರಡು ಬಲಿ

•   Thu, May 31 2018 10:56:08 AM



• ಕೋಝಿಕ್ಕೋಡ್, ಮೇ 31: ಕೇರಳದಲ್ಲಿ ನಿಫಾ ವೈರಸ್ ಗೆ ಮತ್ತೆರಡು ಮಂದಿ ಬಲಿಯಾಗಿದ್ದು, ಒಟ್ಟಾರೆ ಸಾವಿನ ಶಂಕೆ 15 ಕ್ಕೇರಿದೆ. ಮೃತಪಟ್ಟ ಇಬ್ಬರೂ ಕೋಝಿಕ್ಕೋಡಿನವರಾಗಿದ್ದಾರೆ. ಇನ್ನು ನಿಫಾ ವೈರಸ್ ಗೆ ತುತ್ತಾದವರ ಶಂಕೆ 17 ಕ್ಕೇರಿದೆ.

  

  ಬುಧವಾರ ನಿಫಾ ವೈರಾಣುವಿನ ಸೋಂಕಿನ ಶಂಕೆಯಿದ್ದ ಕೇರಳ ಮೂಲದ ಯೋಧ ಕೋಲ್ಕತ್ತಾದಲ್ಲಿ ಸಾವನಪ್ಪಿದ್ದರು. ಕೇರಳದ ಸೀನು ಪ್ರಸಾದ್ ಕೋಲ್ಕತ್ತಾದ ಫೋರ್ಟ್ ವಿಲಿಯಮ್ ಗೆ ಭಾರತೀಯ ಸೇನೆಗೆ ಕರ್ತವ್ಯಕ್ಕೆ ನಿಯೋಜನೆಗೊಂಡಿದ್ದರು. ಒಂದು ತಿಂಗಳ ರಜೆಯಲ್ಲಿ ಕೇರಳಕ್ಕೆ ಹೋಗಿದ್ದ ಸೀನು ಪ್ರಸಾದ್ ಮೇ 20ರಂದು ಹಿಂದಿರುಗಿದ್ದರು. ಇವರ ರಕ್ತದ ಮಾದರಿಯನ್ನು ಪುಣೆಯ ವೈರಾಲಜಿಯ ರಾಷ್ಟ್ರೀಯ ಸಂಸ್ಥೆಗೆ ಕಳುಹಿಸಲಾಗಿದ್ದು ವರದಿಗಾಗಿ ನಿರೀಕ್ಷಿಸಲಾಗುತ್ತಿದೆ.