ಆರ್.ಆರ್ ನಗರ ಎಲೆಕ್ಷನ್ : ಠೇವಣಿ ಕಳೆದುಕೊಂಡರೂ ಪಕ್ಷೇತರ ಅಭ್ಯರ್ಥಿಗಳಲ್ಲಿ ಹುಚ್ಚ ವೆಂಕಟ್ ಬೆಸ್ಟ್

•   Thu, May 31 2018 05:22:47 PM



• ಬೆಂಗಳೂರು, ಮೇ 31: ಇಂದು ಪ್ರಕಟವಾದ ಆರ್ ಆರ್ ನಗರ ವಿಧಾನಸಭಾ ಚುನಾವಣೆಯಲ್ಲಿ ಒಟ್ಟು 14 ಮಂದಿ ಸ್ಪರ್ಧಿಸಿದ್ದು, ಇದರಲ್ಲಿ ಪಕ್ಷೇತರ ಅಭ್ಯರ್ಥಿಗಳಲ್ಲಿ ಅತಿ ಹೆಚ್ಚು ಮತಗಳನ್ನು ಪಡೆದು ಹುಚ್ಚ ವೆಂಕಟ್ ಶೈನ್ ಆಗಿದ್ದಾರೆ. ಪಕ್ಷೇತರ ಅಭ್ಯರ್ಥಿಗಳಲ್ಲೇ ಹೆಚ್ಚು ಅಂದರೆ 764 ಮತಗಳನ್ನು ಪಡೆದು ಠೇವಣಿ ಕಳೆದುಕೊಂಡರೂ ಪಕ್ಷೇತರ ಅಭ್ಯರ್ಥಿಗಳಲ್ಲೇ ಬೆಸ್ಟ್ ಅಭ್ಯರ್ಥಿ ಎನಿಸಿಕೊಂಡಿದ್ದಾರೆ.

  
  

  ಆರ್. ಆರ್ ನಗರದಲ್ಲಿ ಘಟಾನುಘಟಿ ಸ್ಪರ್ಧಿಗಳ ನಡುವೆ ಯಾವುದೇ ಅಕ್ಷರಶಃ ಪ್ರಚಾರವೂ ಇಲ್ಲದೆ, ಮತದಾರರಿಗೆ ಯಾವುದೇ ಆಮಿಷ ಒಡ್ಡದೆ, ವೆಂಕಟ್ ಅವರು ನೋಟಾಗಿಂತಲೂ ಕಡಿಮೆ ಮತಗಳನ್ನು ಪಡೆದರೂ, ಪಕ್ಷೇತರ ಅಭ್ಯರ್ಥಿಗಳಲ್ಲಿ ಅವರೇ ಉತ್ತಮ ಅನ್ನಿಸಿಕೊಂಡಿದ್ದಾರೆ. ಚುನಾವಣೆಯಲ್ಲಿ ನಾನು ಯಾರಿಗೂ ಯಾವುದೇ ರೀತಿಯ ಆಮಿಷವೊಡ್ಡಿಲ್ಲ. ಪ್ರಾಮಾಣಿಕವಾಗಿ ಚುನಾವಣೆಗೆ ಸ್ಪರ್ಧೆ ಮಾಡಿದ್ದೇನೆ. ಹಾಗಾಗಿ ನಾನು ಸೋತಿದ್ದೇನೆ. ಇಲ್ಲಿ ತಪ್ಪು ನನ್ನದೋ ಜನರಿದ್ದೋ ಎಂದು ತಿಳಿಯುವುದಿಲ್ಲ ಎಂದು ನೋವಿನಿಂದಲೇ ಹೇಳುತ್ತಾರೆ ಹುಚ್ಚ ವೆಂಕಟ್

  ಕಾಂಗ್ರೆಸ್ ಅಭ್ಯರ್ಥಿಯಾಗಿದ್ದ ಮುನಿರತ್ನ 108064 ಮತಗಳನ್ನು ಪಡೆದು ಭರ್ಜರಿ ಗೆಲುವು ದಾಖಲಿಸಿದರೆ, ಬಿಜೆಪಿಯ ತುಳಿಸಿ ಮುನಿರಾಜು 82572, ಜೆಡಿಎಸ್ ನ ರಾಮಚಂದ್ರಪ್ಪ -60360 ಮತಗಳನ್ನು ಪಡೆದು ಕ್ರಮವಾಗಿ ಒಂದು, ಎರಡು , ಮೂರನೇ ಸ್ಥಾನದಲ್ಲಿದ್ದರೆ, 764 ಮತಗಳನ್ನು ಪಡೆದ ಹುಚ್ಚ ವೆಂಕಟ್ 4ನೇ ಅಭ್ಯರ್ಥಿಯಾಗಿದ್ದಾರೆ.