ಕುಂದಾಪುರ,ಸೆ25: ಬೈಕ್ ಡಿವೈಡರ್ ಗೆ ಡಿಕ್ಕಿ ಹೊಡೆದ ಪರಿಣಾಮ ಬೈಕ್ ಸವಾರ ಸ್ಥಳದಲ್ಲೇ ಮೃತಪಟ್ಟ ಘಟನೆ ತ್ರಾಸಿ ಮರವಂತೆ ಬೀಚ್ ಸಮೀಪದ ರಾಷ್ಟ್ರೀಯ ಹೆದ್ದಾರಿ 66ರಲ್ಲಿ ಭಾನುವಾರ ರಾತ್ರಿ ನಡೆದಿದೆ.
ತಲ್ಲೂರು ನಿವಾಸಿ, ಕುಂದಾಪುರ ಖಾಸಗಿ ಐಟಿಐ ವಿದ್ಯಾರ್ಥಿ ಫ್ಲೆಮಿಂಗ್ ಮೆಂಡೊನ್ಸಾ ಮೃತ ದುರ್ದೈವಿ. ಸ್ನೇಹಿತನೊಂದಿಗೆ ಕೆಟಿಎಂ ಬೈಕ್ ನಲ್ಲಿ ಭಟ್ಕಳ ಕಡೆಗೆ ತೆರಳುತ್ತಿದ್ದಾಗ, ಡಿವೈಡರ್ ಅಲ್ಲಿರುವುದನ್ನು ಗಮನಿಸದೇ ಡಿಕ್ಕಿ ಹೊಡೆದಿದ್ದಾನೆ. ಡಿಕ್ಕಿಯಾದ ರಭಸಕ್ಕೆ ಸವಾರ ಮತ್ತು ಸಹವಾರ ಗಂಭೀರ ಗಾಯಗಳಾಗಿವೆ. ಪರಿಣಾಮ ಫ್ಲೆಮಿಂಗ್ ಮೆಂಡೊನ್ಸಾ ಮೃತ ಸ್ಥಳದಲ್ಲೆ ಮೃತರಾದರೆ ಇನ್ನೊಬ್ಬ ವಿದ್ಯಾರ್ಥಿ ಜೋಯ್ ಸ್ಟನ್ ಮೆಂಡೋನ್ಸ(18) ಗಂಭೀರ ಗಾಯಗೊಂಡಿದ್ದು, ಅವರನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ನಿನ್ನೆ ತಡರಾತ್ರಿ ವೇಳೆ ಅವರು ಭಟ್ಕಳದ ಕಡೆಗೆ ತೆರಳುತ್ತಿದ್ದರು ಎನ್ನಲಾಗಿದೆ. ಘಟನೆಯ ಕುರಿತಂತೆ ಗಂಗೊಳ್ಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ
ಚಾನಲ್ ಫಾಲೋ ಮಾಡಿ
