ಮಂಗಳೂರು: ನನ್ನ ಸೋಲಿಗೆ ಇವಿಎಂ ಯಂತ್ರಗಳೇ ಕಾರಣ; ಮಾಜಿ ಶಾಸಕ ಜೆ.ಆರ್. ಲೋಬೊ

•   Sat, Jun 02 2018 12:20:17 PM



• ಮಂಗಳೂರು,ಜೂ.02: 2018 ರ ವಿಧಾನಸಭೆ ಚುನಾವಣೆಯಲ್ಲಿ ಸೋಲು ಕಂಡಿರುವ ಮಂಗಳೂರು ದಕ್ಷಿಣ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ಜೆ.ಆರ್. ಲೋಬೊ ತನ್ನ ಸೋಲಿಗೆ ಇವಿಎಂ ಯಂತ್ರಗಳೇ ಕಾರಣ ಎಂದು ಶಂಕೆ ವ್ಯಕ್ತಪಡಿಸಿ ಕೋರ್ಟ್ ಮೆಟ್ಟಿಲೇರಲು ನಿರ್ಧರಿಸಿದ್ದಾರೆ.

  

  ಮಂಗಳೂರಿನಲ್ಲಿ ಸುದ್ದಿಗೋಷ್ಟಿಯಲ್ಲಿ ಮಾತನಾಡಿದ ಅವರು, ನನಗೆ ಇವಿಎಂ ಯಂತ್ರದ ಬಗ್ಗೆ ಆರಂಭದಿಂದಲೂ ಸಂಶಯವಿತ್ತು. ಕಾಂಗ್ರೆಸ್ ಪಕ್ಷ ಇವಿಎಂ ಯಂತ್ರಕ್ಕೆ ವಿರೋಧ ವ್ಯಕ್ತಪಡಿಸಿತ್ತು. ಆದರೆ ಇದೀಗ ಸಂಶಯ ಹೆಚ್ಚಾಗಿದ್ದು ಕೋರ್ಟ್ ಮೊರೆ ಹೋಗುತ್ತೇನೆ ಎಂದರು. ಇನ್ನು ಮಂಗಳವಾರದಂದು ಮಂಗಳೂರಿನಲ್ಲಿ ಸುರಿದ ಮಳೆಯಿಂದಾಗಿ ನಗರದ ವಿವಿದೆಡೆಗಳಲ್ಲಿ ಮುಳುಗಡೆಯಾಗಲು ನಾನೇ ಕಾರಣವೆಂದು ಪ್ರತಿಪಕ್ಷಗಳು ಸುಳ್ಳು ಆರೋಪ ಮಾಡುತ್ತಿವೆ. ನಿರಂತರ ಮಳೆ ಸುರಿದ ಪರಿಣಾಮ ಪ್ರಮುಖ ರಸ್ತೆಗಳು ಮುಳುಗಡೆಯಾಗಿದೆ ಎಂದು ಅವರು ಪ್ರತಿಕ್ರಿಯಿಸಿದ್ದಾರೆ.