ಸಚಿವ ಸಂಪುಟದಲ್ಲಿ ಕರಾವಳಿಗೆ ಮೂರು ಸ್ಥಾನ ?

•   Mon, Jun 04 2018 01:51:25 PM



• ಮಂಗಳೂರು, ಜೂ 04: ಸಚಿವ ಸಂಪುಟ ವಿಸ್ತರಣೆಯ ಕಾಲ ಹತ್ತಿರವಾಗುತ್ತಿದ್ದಂತೆ ಕರಾವಳಿಗೆ ಮೂರು ಸ್ಥಾನ ದೊರಕುವ ಸಾಧ್ಯತೆಗಳಿವೆ ಎಂದು ಲೆಕ್ಕಚಾರ ಹಾಕಲಾಗುತ್ತಿದೆ. ದ.ಕನ್ನಡದಲ್ಲಿ ಕಾಂಗ್ರೆಸ್ ನ ತಲಾ ಒಬ್ಬರು ವಿಧಾನಸಭಾ ಸದಸ್ಯ, ವಿಧಾನ ಪರಿಷತ್ ಸದಸ್ಯ, ಹಾಗೂ ಉಡುಪಿಯ ಒಬ್ಬ ವಿಧಾನ ಪರಿಷತ್ ಸದಸ್ಯ ಇದ್ದು, ಇದಲ್ಲದೆ ಜೆಡಿಎಸ್ ನಿಂದ ಬಿ.ಎಂ ಫಾರೂಕ್ ವಿಧಾನ ಪರಿಷತ್ ಗೆ ನೂತನವಾಗಿ ಆಯ್ಕೆಯಾಗಿದ್ದಾರೆ. ದ. ಕನ್ನಡದಲ್ಲಿ ಯು.ಟಿ ಖಾದರ್, ಐವನ್ ಡಿಸೋಜ ಹಾಗೂ ಉಡುಪಿಯಲ್ಲಿ ಸಚಿವರಾಗುವ ಏಕೈಕ ಅವಕಾಶ ಪ್ರತಾಪ್ ಚಂದ್ರ ಶೆಟ್ಟಿ ಇದೆ.

  

  ಪ್ರತಾಪ್ ಚಂದ್ರ ಶೆಟ್ಟಿ, ನಾಲ್ಕು ಬಾರಿ ವಿಧಾನ ಸಭಾ ಸದಸ್ಯರಾಗಿ, ಮೂರನೇ ಬಾರಿ ವಿಧಾನ ಪರಿಷತ್ ಸದಸ್ಯರಾಗಿ ಆಯ್ಕೆಯಾಗಿರುವ ಅವರು ಹಿರಿಯ ಶಾಸಕರು.ಅವರಿಗೆ ಇದುವರೆಗೆ ಸಚಿವ ಸ್ಥಾನ ದೊರಕಿಲ್ಲ. ಹೀಗಾಗಿ ಸಚಿವ ಸ್ಥಾನ ದೊರಕುವ ಸಾಧ್ಯತೆಗಳನ್ನು ಅಲ್ಲಗಳೆಯುವಂತಿಲ್ಲ. ದ.ಕ ಜಿಲ್ಲೆಯಲ್ಲಿ ಯು.ಟಿ ಖಾದರ್ ಅವರಿಗೆ ಬಹುತೇಕ ಸ್ಥಾನ ಖಾತ್ರಿ. ಇನ್ನು ಪರಿಷತ್ ಸದಸ್ಯ ಐವನ್ ಡಿಸೋಜ ಅವರ ಸ್ಥಾನವನ್ನು ತಳ್ಳಿ ಹಾಕುವಂತಿಲ್ಲ. ಇನ್ನು ಕರಾವಳಿ ಬಿ ಎಂ ಫಾರೂಕ್ ಅವರಿಗೆ ಅವಕಾಶ ಸಿಗಬಹುದು ಎನ್ನುವ ಲೆಕ್ಕಚಾರವೂ ಇದೆ.