ಬಂಟ್ವಾಳ: ತಂಡದಿಂದ ಐವರ ಮೇಲೆ ತಲವಾರು ದಾಳಿ, ಇಬ್ಬರು ಮೃತ್ಯು

•   Tue, Sep 26 2017 12:50:03 AM



• ಬಂಟ್ವಾಳ, ಸೆ26:ಮಂಗಳೂರು ಹೊರವಲಯದ ಫರಂಗಿಪೇಟೆಯ ಪೋಲಿಸ್ ಔಟ್ ಪೋಸ್ಟ್ ಬಳಿ ತಂಡವೊಂದು ನಡೆಸಿದ ತಲವಾರು ದಾಳಿಯಲ್ಲಿ ಯುವಕರಿಬ್ಬರು ಘಟನಾ ಸ್ಥಳದಲ್ಲೇ ಮೃತಪಟ್ಟು, ಮೂವರು ಗಂಭೀರವಾಗಿ ಗಾಯಗೊಂಡ ಘಟನೆ ಇಂದು ತಡರಾತ್ರಿ ನಡೆದಿದೆ. ಮೃತರನ್ನು ಅಡ್ಯಾರಿನ ಝಿಯಾ ಹಾಗೂ ಫಯಾಜ್ ಎಂದು ಗುರುತಿಸಲಾಗಿದ್ದು ಹಮೀಜ್, ಮುಸ್ತಾಖ್, ಹಾಗೂ ಅನೀಸ್ ಗಾಯಗೊಂಡು ಆಸ್ಪತ್ರೆಗೆ ದಾಖಲಾಗಿದ್ದಾರೆ.

  ಮಾರುತಿ ಸ್ವಿಫ್ಟ್ ಕಾರಿನಲ್ಲಿದ್ದ ಐವರ ಮೇಲೆ ಸುಮಾರು ಹದಿನೈದರಷ್ಟು ಸದಸ್ಯರಿದ್ದ ತಂಡವೊಂದು ಏಕಾಎಕಿ ದಾಳಿ ನಡೆಸಿದೆ. ಹಠಾತ್ ದಾಳಿಯಲ್ಲಿ ಗಂಭೀರ ಗಾಯಗೊಂಡ ಫಯಾಜ್ ಹಾಗೂ ಝಿಯಾ ಸ್ಥಳದಲ್ಲೆ ಮೃತಪಟ್ಟರೆ ,ಮೂವರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಗಾಯಾಳುಗಳನ್ನು ಚಿಕಿತ್ಸೆಗಾಗಿ ಮಂಗಳೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಈ ಪೈಕಿ ಇಬ್ಬರನ್ನು ಐಸಿಯುವಿಗೆ ಸೇರಿಸಲಾಗಿದೆ.
  ದಾಳಿಯ ಸಂಧರ್ಭದಲ್ಲಿ ಔಟ್ ಪೋಸ್ಟ್ ನಲ್ಲಿ ಕಾರ್ಯನಿರತರಾಗಿದ್ದ ಪೋಲಿಸ್ ಕಾನ್ಸ್ಟೇಬಲ್ ಘಟನೆ ನಿಯಂತ್ರಿಸಲು ತೆರಳಿದ ಸಂದರ್ಭ ಅವರ ಮೇಲೆಯೂ ದಾಳಿ ನಡೆದಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಸ್ಥಳದಲ್ಲಿ ಪೋಲಿಸ್ ಬಿಗಿ ಬಂದೋಬಸ್ತ್ ಏರ್ಪಡಿಸಲಾಗಿದೆ. ಪೂರ್ವ ಧ್ವೇಶವೇ ಕೊಲೆಗೆ ಕಾರಣ ಎನ್ನಲಾಗಿದೆ.