ವಿಧಾನ ಪರಿಷತ್ ಚುನಾವಣೆ – ಬಿಜೆಪಿ ಅಭ್ಯರ್ಥಿ ಕ್ಯಾ. ಗಣೇಶ್ ಕಾರ್ಣಿಕ್‌ಗೆ ಸೋಲು, ಜೆಡಿಎಸ್‌ ಗೆಲುವು

•   Wed, Jun 13 2018 09:48:04 AM



• ಮಂಗಳೂರು, ಜೂ13: ವಿಧಾನ ಪರಿಷತ್ತಿನ ನೈಋತ್ಯ ಶಿಕ್ಷಕರ ಹಾಗೂ ನೈಋತ್ಯ ಪದವೀಧರ ಕ್ಷೇತ್ರಗಳಿಗೆ ನಡೆದಿದ್ದ ಚುನಾವಣೆಯ ಫಲಿತಾಂಶವು ಹೊರ ಬಿದ್ದಿದ್ದು, ಬಿಜೆಪಿ ಅಭ್ಯರ್ಥಿ ಕ್ಯಾ. ಗಣೇಶ್ ಕಾರ್ಣಿಕ್, ಜೆಡಿಎಸ್ ಅಭ್ಯರ್ಥಿ ಬೋಜೆಗೌಡ ವಿರುದ್ಧ ಸೋಲನುಭವಿಸಿದ್ದಾರೆ.

  

  ಕಳೆದ ಜೂನ್ 08 ರಂದು ವಿಧಾನ ಪರಿಷತ್ತಿನ ನೈಋತ್ಯ ಶಿಕ್ಷಕರ ಹಾಗೂ ನೈಋತ್ಯ ಪದವೀಧರ ಕ್ಷೇತ್ರಗಳಿಗೆ ಚುನಾವಣೆಯು ನಡೆದಿತ್ತು. ಈ ಚುನಾವಣೆಯ ಕೊನೆಯ ಸುತ್ತಿನ ಮತ ಎಣಿಕೆಯು ಮುಗಿದಿದ್ದು, ಬೋಜೆಗೌಡರು ಒಟ್ಟು 7,310 ಮತ ಪಡೆದುಕೊಂಡರೆ, ಗಣೇಶ್ ಕಾರ್ಣಿಕ್  ರವರು 5,812 ಮತಗಳನ್ನು ಪಡೆದಿಕೊಂಡಿದ್ದಾರೆ. ಕಾಂಗ್ರೆಸ್ ಅಭ್ಯರ್ಥಿ ಕೆ.ಕೆ.ಮಂಜುನಾಥ್ 2450 ಮತಗಳನ್ನು ಪಡೆದಿಕೊಂಡಿದ್ದಾರೆ. 

  ನೈಋತ್ಯ ಪದವೀಧರರ ಕ್ಷೇತ್ರದಲ್ಲಿ ಬಿಜೆಪಿಯ ಆಯನೂರು ಮಂಜೂನಾಥ್ ಗೆಲುವು ದಾಖಲಿಸಿದ್ದು, ಆಗ್ನೇಯ ಶಿಕ್ಷಕರ ಕ್ಷೇತ್ರದಲ್ಲಿ ಬಿಜೆಪಿ ಅಭ್ಯರ್ಥಿ ವೈ ಎ ನಾರಾಯಣ ಸ್ವಾಮಿ ಗೆದ್ದಿದ್ದಾರೆ. ಮೂರು ಕ್ಷೇತ್ರಗಳ ಫಲಿತಾಂಶವು ಲಭ್ಯವಾಗಿದ್ದು, 2 ಕ್ಷೇತ್ರ ಜೆಡಿಎಸ್ ಹಾಗೂ 1 ಕ್ಷೇತ್ರವು ಬಿಜೆಪಿ ಪಾಲಾಗಿದೆ.