ಕಾಸರಗೋಡು : ಅನುಮಾನಸ್ಪದ ರೀತಿಯಲ್ಲಿ ವರ್ತನೆ - ಪೊಲೀಸರು ವಶಕ್ಕೆ ಪಡೆದಾಗ ಕೆಜಿಗಟ್ಟಲೆ ಗಂಜಾ ಪತ್ತೆ

•   Wed, Jun 13 2018 11:44:30 AM



• ಕಾಸರಗೋಡು, ಜೂ 13 : ಎಂಟು ಕಿಲೋ ಗಾಂಜಾ ಸಹಿತ ಕುಖ್ಯಾತ ಆರೋಪಿ ಯೋರ್ವನನ್ನು ಕಾಸರಗೋಡು ನಗರ ಠಾಣಾ ಪೊಲೀಸರು ಬಂಧಿಸಿದ್ದಾರೆ . ಬಂಧಿತನನ್ನು ಕಾರಟ್ ನೌಶಾದ್ ( 42) ಎಂದು ಗುರುತಿಸಲಾಗಿದೆ. ಮಂಗಳವಾರ ಸಂಜೆ ಕಾಸರಗೋಡು ಕೆ ಎಸ್ ಆರ್ ಟಿ ಸಿ ಬಸ್ಸು ನಿಲ್ದಾಣ ಪರಿಸರದಿಂದ ಈತನನ್ನು ಬಂಧಿಸಲಾಯಿತು. 

  

  
  ಬಂಧಿಸುವ ಸಂದರ್ಭದಲ್ಲಿ ಈತನ ಬಳಿ ಯಿಂದ ಒಂದು ಕಿಲೋ ಗಾಂಜಾ ಪತ್ತೆಯಾಗಿದ್ದು , ಬಳಿಕ ಈತ ನೀಡಿದ ಸುಳಿವಿನಂತೆ ನಗರ ಹೊರವಲಯದ ಅಣಂಗೂರಿನ ಈತನ ಬಾಡಿಗೆ ಮನೆಯಿಂದ ಏಳು ಕಿಲೋ ಗಾಂಜಾ ವನ್ನು ವಶಪಡಿಸಿಕೊಳ್ಳಲಾಯಿತು. ಕೆ ಎಸ್ ಆರ್ ಟಿ ಸಿ ಬಸ್ಸು ನಿಲ್ದಾಣ ಪರಿಸರದಲ್ಲಿ ಸಂಶಯಾಸ್ಪದಯವಾಗಿ ಕಂಡು ಬಂದ ಈತನನ್ನು ವಶಕ್ಕೆ ತೆಗೆದುಕೊಂಡು ವಿಚಾರಣೆ ನಡೆಸಿದಾಗ ಗಾಂಜಾ ಪತ್ತೆಯಾಗಿದೆ . ಹಲವು ದರೋಡೆ ಹಾಗೂ ಇನ್ನಿತರ ಪ್ರಕರಣಗಳಲ್ಲಿ ನೌಶಾದ್ ಶಾಮೀಲಾಗಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.