ಮಂಗಳೂರು: ಬೈಕ್‌ ಮತ್ತು ಕಾರು ನಡುವೆ ಅಪಘಾತ - ಯುವಕ ಮೃತ್ಯು

•   Wed, Dec 09 2020 09:16:49 AM



• ಮಂಗಳೂರು, ಡಿ.09 (DaijiworldNews/MB) : ಕಾರು ಮತ್ತು ಬೈಕ್‌ ಡಿಕ್ಕಿ ಹೊಡೆದ ಪರಿಣಾಮ ಬೈಕ್ ಸವಾರ ಸಾವನ್ನಪ್ಪಿ ಸಹಸವಾರ ಗಾಯಗೊಂಡ ಘಟನೆ ಡಿಸೆಂಬರ್ 8 ರ ಮಂಗಳವಾರ ಮಧ್ಯಾಹ್ನ ಪಡೀಲ್‌ನಲ್ಲಿ ನಡೆದಿದೆ.

  

  

  ಚಿಕ್ಕಮಗಳೂರು ಮೂಲದ ಮತ್ತು ಬೆಂಗಳೂರಿನ ಕಂಪನಿಯಲ್ಲಿ ಉದ್ಯೋಗಿಯಾಗಿದ್ದ ಸುಮಂತ್ (21) ಅಪಘಾತದಲ್ಲಿ ಪ್ರಾಣ ಕಳೆದುಕೊಂಡಿದ್ದಾರೆ. ಸಹಸವಾರನಾಗಿದ್ದ ಅರುಣ್ ಕುಮಾರ್‌ ಗಾಯಗೊಂಡಿದ್ದಾರೆ.

  ಸುಮಂತ್ ಮತ್ತು ಆತನ ಸ್ನೇಹಿತರು ಮೂರು ಬೈಕ್‌ಗಳಲ್ಲಿ ವಿವಿಧ ಸ್ಥಳಗಳಿಗೆ ಪ್ರವಾಸಕ್ಕೆಂದು ತೆರಳಿದ್ದರು. ಚಿಕ್ಕಮಗಳೂರಿನಲ್ಲಿ ಪ್ರವಾಸ ಆರಂಭಿಸಿದ ಅವರು, ಧರ್ಮಸ್ಥಳಕ್ಕೆ ಭೇಟಿ ನೀಡಿದ್ದರು. ನಗರದ ಬೀಚ್‌ಗಳಿಗೆ ತೆರಳುತ್ತಿದ್ದಾಗ ಈ ಅಪಘಾತ ಸಂಭವಿಸಿ ಯುವಕ ಸಾವನ್ನಪ್ಪಿದ್ದಾನೆ.