ಪವಿತ್ರ ಮಕ್ಕಾದಲ್ಲಿ ಸಂಭ್ರಮದ ರಂಜಾನ್ – 20 ಲಕ್ಷಕ್ಕೂ ಅಧಿಕ ಮಂದಿಯಿಂದ ಪ್ರಾರ್ಥನೆ

•   Fri, Jun 15 2018 10:34:23 AM



• ಮಕ್ಕಾ, ಜೂ. 15: ಇಸ್ಲಾಂ ಧರ್ಮದ ಅತ್ಯಂತ ಪವಿತ್ರ ಸ್ಥಳ ಮಕ್ಕಾದಲ್ಲಿ 20 ಲಕ್ಷಕ್ಕೂ ಅಧಿಕ ಮಂದಿ ಸೇರಿದ್ದು, ರಂಜಾನ್ ಹಬ್ಬದ ಪ್ರಯುಕ್ತ ವಿಶೇಷ ಪ್ರಾರ್ಥನೆ ನಡೆದಿದೆ.

  

  ರಂಜಾನ್ ಮಾಸದ ಕೊನೆಯ ರಾತ್ರಿಯ ಕುರ್‌ಆನ್ ಪ್ರವಚನ ಆಲಿಸುವುದಕ್ಕೆ ಮತ್ತು ವಿಶೇಷ ಪ್ರಾರ್ಥನೆ ಸಲ್ಲಿಸುವುದಕ್ಕೆ ಮುಸಲ್ಮಾನ ಬಾಂದವರು ಪವಿತ್ರ ಮಕ್ಕಾಕ್ಕೆ ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಿದ್ದು, ಎಲ್ಲೆಡೆ ರಂಜಾನ್ ಹಬ್ಬದ ಸಂಭ್ರಮ ಮನೆ ಮಾಡಿದೆ.

  ಪವಿತ್ರ ಸ್ಥಳ ಮಕ್ಕಾದಲ್ಲಿ ಶೇಖ್ ಡಾ. ಅಬ್ದುಲ್ರಹ್ಮಾನ್ ಅಲ್-ಸಿದೈಸ್ ನೇತೃತ್ವದಲ್ಲಿ ಪ್ರಾರ್ಥನೆ ನಡೆದಿದ್ದು, ಲಕ್ಷಾಂತರ ಮಂದಿ ಪ್ರಾರ್ಥನೆಯಲ್ಲಿ ಪಾಲ್ಗೊಂಡಿದ್ದಾರೆ. ರಂಜಾನ್ ಹಿನ್ನೆಲೆ, ಜಗತ್ತಿನ ವಿವಿಧ ಮೂಲೆಗಳಿಂದ ಲಕ್ಷಾಂತರ ಮಂದಿ ಆಗಮಿಸಿದ್ದು, ಭಕ್ತಿ-ಭಾವದಿಂದ ಪ್ರಾರ್ಥನೆ ಸಲ್ಲಿಸುತ್ತಿದ್ದಾರೆ.