ಕಾಸರಗೋಡು: ಮೂರನೇ ತರಗತಿ ವಿದ್ಯಾರ್ಥಿ ಫಹಾದ್ ಕೊಲೆ - ಆರೋಪ ಸಾಬೀತು

•   Sun, Jun 17 2018 12:16:02 PM



• ಕಾಸರಗೋಡು, ಜೂ 17 : ಶಾಲಾ ವಿದ್ಯಾರ್ಥಿ ಯನ್ನು ಇರಿದು ಕೊಲೆಗೈದ ಪ್ರಕರಣದ ಆರೋಪಿ ತಪ್ಪಿತಸ್ಥ ನೆಂದು ಕಾಸರಗೋಡು ಹೆಚ್ಚುವರಿ ಸೆಷನ್ಸ್ ನ್ಯಾಯಾಲಯ ತೀರ್ಪು ನೀಡಿದೆ. ಶಿಕ್ಷೆಯ ಪ್ರಮಾಣವನ್ನು ಜೂನ್ 18 ರಂದು ಪ್ರಕಟಿಸಲಿದೆ. ಅಂಬಲತ್ತರ್ದ ಮೊಯ್ದು ರವರ ಪುತ್ರ ಮುಹಮ್ಮದ್ ಫಹಾದ್ (8) ನ ಕೊಲೆ ಗೈದ ಪ್ರಕರಣದ ಆರೋಪಿ ಇರಿಯ ದ ವಿಜಯನ್ (31) ದೋಷಿ ಎಂದು ಶನಿವಾರ ನ್ಯಾಯಾಲಯ ತೀರ್ಪು ನೀಡಿದೆ.

  

  ಕೊಲೆಯಾದ ಬಾಲಕ  ಫಹಾದ್ ಮತ್ತು ದೋಷಿ ವಿಜಯನ್ 

  2015 ರ ಜುಲೈ 9 ರಂದು ಘಟನೆ ನಡೆದಿದ್ದು, ಕಲ್ಯೊಟ್ ಸರಕಾರೀ ಹಯರ್ ಸೆಕಂಡರಿ ಶಾಲಾ ಮೂರನೇ ತರಗತಿ ವಿದ್ಯಾರ್ಥಿಯಾಗಿದ್ದ ಫಹಾದ್ ಸಹೋದರಿ ಜೊತೆ ಬೆಳಿಗ್ಗೆ ಶಾಲೆಗೆ ತೆರಳುತ್ತಿದ್ದಾಗ ಹಿಂದಿನಿಂದ ಬಂದ ವಿಜಯನ್ ಇರಿದು ಪರಾರಿಯಾಗಿದ್ದನು. ಫಹಾದ್ ತಪ್ಪಿಸಿ ಓಡಲೆತ್ನಿಸಿದರೂ ಬೆನ್ನಟ್ಟಿ ಬಂದ ಈತ ಮನಬಂದಂತೆ ಇರಿದು ಪರಾರಿಯಾಗಿದ್ದನು. 

  ಬೊಬ್ಬೆ ಕೇಳಿ ಧಾವಿಸಿ ಬಂದ ಸ್ಥಳೀಯರು ಆಸ್ಪತ್ರೆಗೆ ತಲುಪಿಸಿದರೂ ಜೀವ ಉಳಿಸಲಾಗಲಿಲ್ಲ. ಕೃತ್ಯ ನಡೆದು ಗಂಟೆಗಳ ಅವಧಿಯಲ್ಲೇ ಆರೋಪಿಯನ್ನು ನಾಗರಿಕರು ಹಿಡಿದು ಬೇಕಲ ಪೊಲೀಸರಿಗೊಪ್ಪಿಸಿದ್ದರು.ಫಹಾದ್ ನ ತಂದೆ ಜೊತೆ ಇದ್ದ ವೈಷಮ್ಯ ಕೊಲೆಗೆ ಕಾರಣ ಎಂದು ಪೊಲೀಸರ ತನಿಖೆಯಿಂದ ತಿಳಿದು ಬಂದಿತ್ತು. ಹೊಸ ದುರ್ಗ ಠಾಣಾ ಸರ್ಕಲ್ ಇನ್ಸ್ ಪೆಕ್ಟರ್ ಯು.ಪ್ರೇಮನ್ ತನಿಖೆ ನಡೆಸಿ ಹೊಸದುರ್ಗ ಜ್ಯುಡಿಶಿಯಲ್ ನ್ಯಾಯಾಲಯಕ್ಕೆ ಆರೋಪ ಪಟ್ಟಿ ಸಲ್ಲಿಸಿದ್ದರು . ಬಳಿಕ ವಿಚಾರಣೆಗಾಗಿ ಕಾಸರಗೋಡು ಜಿಲ್ಲಾ ನ್ಯಾಯಾಲಯಕ್ಕೆ ವರ್ಗಾಯಿಸಲಾಗಿತ್ತು . 60 ರಷ್ಟು ಸಾಕ್ಷಿಗಳಿದ್ದ ಪ್ರಕರಣದಲ್ಲಿ ಫಹಾದ್ ನ ಸಹೋದರಿ ಸೇರಿದಂತೆ36 ಸಾಕ್ಷಿಗಳನ್ನು ವಿಸ್ತರಿಸಲಾಗಿತ್ತು .