ಕಾಸರಗೋಡು: ಟಿ.ವಿ ರಿಮೋಟ್ ಗೆ ಜಗಳ - ಬಾವಿಗೆ ಹಾರಿ ಹತ್ತನೇ ತರಗತಿ ವಿದ್ಯಾರ್ಥಿನಿ ಆತ್ಮಹತ್ಯೆ

•   Sun, Jun 17 2018 03:24:00 PM



• ಕಾಸರಗೋಡು, ಜೂ 17: ಕ್ಷುಲ್ಲಕ ಕಾರಣಕ್ಕೆ ವಿದ್ಯಾರ್ಥಿನಿಯೋರ್ವಳು ಬಾವಿಗೆ ಹಾರಿ ಆತ್ಮಹತ್ಯೆ ಮಾಡಿಕೊಂಡ ಘಟನೆ ಮಂಜೇಶ್ವರದ ಕುಂಜತ್ತೂರಿನಲ್ಲಿ ನಡೆದಿದೆ.ಕುಂಜತ್ತೂರು ತೂಮಿನಾಡಿನ ಪ್ರತಿಭಾ (14) ಮೃತಪಟ್ಟವರು, ಶನಿವಾರ ರಾತ್ರಿ ಘಟನೆ ನಡೆದಿದೆ. ಟಿ . ವಿ ಯ ರಿಮೋಟ್ ಗಾಗಿ ಸಹೋದರರೊಂದಿಗೆ ಜಗಳವಾಡಿದ್ದು , ಮನನೊಂದ ಈಕೆ ಬಾವಿಗೆ ಹಾರಿದ್ದಾಳೆ ಎನ್ನಲಾಗಿದೆ.

  

  ಮನೆಯವರು ಬಾವಿಯಿಂದ ಮೇಲಕ್ಕೆತ್ತಲೂ ಪ್ರಯತ್ನಿಸಿದರೂ ನೀರು ತುಂಬಿಕೊಂಡಿರುವುದರಿಂದ ವಿಫಲವಾಗಿದ್ದು , ಉಪ್ಪಳದಿಂದ ತಲಪಿದ ಅಗ್ನಿಶಾಮಕ ದಳದ ಸಿಬಂದಿಗಳು ಮೃತದೇಹವನ್ನು ಮೇಲಕ್ಕೆತ್ತಿದರು. ಮಂಜೇಶ್ವರದ ಖಾಸಗಿ ಶಾಲೆಯ ಹತ್ತನೇ ತರಗತಿ ವಿದ್ಯಾರ್ಥಿನಿಯಾಗಿದ್ದಳು. ಮಂಜೇಶ್ವರ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.