ಮಂಗಳೂರು: ಅಕ್ರಮ ಪಾರ್ಕಿಂಗ್ ಸ್ಥಳ, ವಾಣಿಜ್ಯ ಸಂಕೀರ್ಣಗಳಿಗೆ ನೋಟಿಸ್ ನೀಡಲು ತೀರ್ಮಾನ

•   Fri, Dec 18 2020 03:59:06 PM



• ಮಂಗಳೂರು,ಡಿ.18 (DaijiworldNews/HR): ಪಾರ್ಕಿಂಗ್ ಸ್ಥಳಗಳನ್ನು ವಾಣಿಜ್ಯ ಸಂಕೀರ್ಣಗಳು ಅತಿಕ್ರಮಣ ಮಾಡಿದಲ್ಲಿ ಸಂಕೀರ್ಣಗಳಿಗೆ ನೋಟಿಸ್ ನೀಡಲಾಗುವುದು ಎಂದು ಪೊಲೀಸ್ ಆಯುಕ್ತ ವಿಕಾಸ್ ಕುಮಾರ್ ತಿಳಿಸಿದ್ದಾರೆ.

  

  

  ಈ ಕುರಿತು ಇಂದು ಪೊಲೀಸ್ ಆಯುಕ್ತರ ಕಚೇರಿಯಲ್ಲಿ ನಡೆದ ಫೋನ್-ಇನ್ ಕಾರ್ಯಕ್ರಮದ ಸಂದರ್ಭದಲ್ಲಿ ಮಾತನಾಡಿದ ಅವರು, "ಜನರು ತಮ್ಮ ವಾಹನಗಳನ್ನು ಫುಟ್‌ಪಾತ್‌ಗಳಲ್ಲಿ ನಿಲ್ಲಿಸುವುದನ್ನು ನಾವು ಗಮನಿಸಿದ್ದೇವೆ. ಅಲ್ಲದೆ, ವಾಣಿಜ್ಯ ಸಂಕೀರ್ಣಗಳು ತನ್ನ ಗ್ರಾಹಕರಿಗೆ ವಾಹನ ನಿಲುಗಡೆಗೆ ಫುಟ್‌ಪಾತ್‌ಗಳನ್ನು ಆಕ್ರಮಿಸಿಕೊಂಡಿವೆ. ಎರಡು ತಿಂಗಳ ಹಿಂದೆ, ನಾವು ಅಂತಹ 50 ಸ್ಥಳಗಳನ್ನು ಗುರುತಿಸಿದ್ದೇವೆ ಮತ್ತು ಮಂಗಳೂರು ನಗರ ನಿಗಮಕ್ಕೆ (ಎಂಸಿಸಿ) ಕ್ರಮ ಕೈಗೊಳ್ಳುವಂತೆ ಒತ್ತಾಯಿಸಿದ್ದೇವೆ" ಎಂದರು.

  ಇನ್ನು "ತುರ್ತು ಸಂಖ್ಯೆ 112 ಅನ್ನು ಪ್ರಾರಂಭಿಸಿದಾಗಿನಿಂದ, ನಮಗೆ 91 ದೂರುಗಳ ಪೈಕಿ ಆಸ್ತಿಗೆ ಸಂಬಂಧಿಸಿದ ಕೌಟುಂಬಿಕ ಸಮಸ್ಯೆಯ ಬಗ್ಗೆ ಒಂದು ಪ್ರಕರಣ ದಾಖಲಾಗಿದೆ. 91 ದೂರುಗಳಲ್ಲಿ, ಅವುಗಳಲ್ಲಿ ಹೆಚ್ಚಿನವು ಸಣ್ಣ ಪ್ರಕರಣಗಳಾಗಿವೆ. ಅದನ್ನು ತಕ್ಷಣವೇ ಪರಿಹರಿಸಲಾಗಿದೆ. ತುರ್ತು ಸಂಖ್ಯೆ 112 ರ ಹಿಂದಿನ ಮುಖ್ಯ ಉದ್ದೇಶವೆಂದರೆ ಪ್ರತಿಕ್ರಿಯೆಯ ಸಮಯವನ್ನು ಕಡಿಮೆ ಮಾಡುವುದು. ಈ ತುರ್ತು ಸಂಖ್ಯೆಯಿಂದಾಗಿ, ಸಣ್ಣ ಸಮಸ್ಯೆಗಳು ವೇಗವಾಗಿ ಪರಿಹರಿಸಲ್ಪಡುತ್ತವೆ" ಎಂದು ಹೇಳಿದ್ದಾರೆ.

  ಫೋನ್-ಇನ್ ಕಾರ್ಯಕ್ರಮದ ಸಮಯದಲ್ಲಿ, ಪಾರ್ಕಿಂಗ್‌ಗೆ ಸಂಬಂಧಿಸಿ ಹೆಚ್ಚಿನ ಕರೆಗಳು ಬಂದಿದ್ದವು.