ಕಾಸರಗೋಡು: ಬಸ್ಸುಗಳ ನಡುವೆ ಅಪಘಾತ - ತಲೆಗೆ ರಾಡ್ ಸಿಲುಕಿ ಅಬಕಾರಿ ಅಧಿಕಾರಿ ದಾರುಣ ಸಾವು

•   Mon, Jun 18 2018 05:40:06 PM



• ಕಾಸರಗೋಡು, ಜೂ 18: ಖಾಸಗಿ ಬಸ್ಸಿಗೆ ಶಾಲಾ ಬಸ್ಸು ಡಿಕ್ಕಿ ಹೊಡೆದ ಪರಿಣಾಮ ಸೀಟಿನ ಹಿಂಬದಿ ಸರಲು ತಲೆಗೆ ಸಿಲುಕಿ ಕಾಸರಗೋಡು ಅಬಕಾರಿ ಅಧಿಕಾರಿ ದಾರುಣವಾಗಿ ಮೃತಪಟ್ಟ ಘಟನೆ ಸೋಮವಾರ ಬೆಳಿಗ್ಗೆ ಮಲಪ್ಪುರಂ ನಲ್ಲಿ ನಡೆದಿದೆ.  ಮೃತಪಟ್ಟವರನ್ನು ಮಲಪ್ಪುರಂ ಪೆರಿಂದಲ್ ಮಣ್ಣದ ಪಿ . ಮುಹಮ್ಮದ್ ಶರೀಫ್ ( 27) ಎಂದು ಗುರುತಿಸಲಾಗಿದೆ .

  

  

  

  ಸೋಮವಾರ ಬೆಳಿಗ್ಗೆ ಮಲ್ಲಪ್ಪುರಂ ಪಾಣಕ್ಕಾಡ್ ಎಂಬಲ್ಲಿ ಘಟನೆ ನಡೆದಿದೆ. ಈದುಲ್ ಫಿತರ್ ಹಬ್ಬಕ್ಕೆ ಊರಿಗೆ ತೆರಳಿದ್ದ ಶರೀಫ್ ರವರು ಕಾಸರಗೋಡಿಗೆ ಬರಲು ಮಲಪ್ಪುರಂ ನಿಂದ ಪರಪ್ಪನಂಗಡಿ ರೈಲ್ವೆ ನಿಲ್ದಾಣಕ್ಕೆ ಬರುತ್ತಿದ್ದಾಗ ಬಸ್ಸಿಗೆ ಹಿಂದಿನಿಂದ ಬಂದ ಖಾಸಗಿ ಕಾಲೇಜೊಂದರ ಬಸ್ಸು ಡಿಕ್ಕಿ ಹೊಡೆದಿದ್ದು , ಹಿಂಬದಿ ಸೀಟಿನಲ್ಲಿ ಕುಳಿತ್ತಿದ್ದ ಶರೀಫ್ ರವರ ತಲೆಯೊಳಗೆ ರಾಡ್ ನುಗ್ಗಿದ್ದು ಕೂಡಲೇ ಸಮೀಪದ ಆಸ್ಪತ್ರೆಗೆ ತಲಪಿಸುವಷ್ಟರಲ್ಲಿ ಮೃತಪಟ್ಟಿದ್ದರು. ಮೃತದೇಹವನ್ನು ಮಲ್ಲಪುರಂ ಸರಕಾರಿ ಆಸ್ಪತ್ರೆ ಶವಗಾರದಲ್ಲಿರಿಸಲಾಗಿದ್ದು , ಸಾವಿನ ಸುದ್ದಿ ತಿಳಿದು ಕಾಸರಗೋಡಿನ ಅಬಕಾರಿ ಇಲಾಖೆ ಸಿಬಂದಿಗಳು ಮಲಪ್ಪುರಂ ಗೆ ತೆರಳಿದ್ದಾರೆ.