ಮಂಗಳೂರು:ಬಿಷಪ್ ಡಾ.ಅಲೋಶಿಯಸ್ ಅವರ 77ನೇ ವರ್ಷದ ಹುಟ್ಟುಹಬ್ಬಕ್ಕೆ ಶುಭ ಕೋರಿದ ಸಚಿವ ಯು.ಟಿ ಖಾದರ್

•   Thu, Jun 21 2018 02:46:12 PM



• ಮಂಗಳೂರು, ಜೂ 21: ಬಿಷಪ್ ರೆ.ಫಾ. ಅಲೋಶಿಯಸ್ ಪೌವ್ಲ್ ಡಿಸೋಜರ 77ನೇ ಹುಟ್ಟುಹಬ್ಬವನ್ನು ನಗರದ ರೊಸಾರಿಯೊ ಕೆಥಡ್ರಲ್‌ನಲ್ಲಿ ಗುರುವಾರ ಆಚರಿಸಲಾಯಿತು.

   

   

   

  ಇಂದು ಬೆಳಗ್ಗೆ ಬಲಿ ಪೂಜೆಯೊಂದಿಗೆ ನಡೆದ ಕಾರ್ಯಕ್ರಮದಲ್ಲಿ ರೊಸಾರಿಯೊ ಚರ್ಚ್‌ನ ಪ್ರಧಾನ ಧರ್ಮಗುರು ರೆ.ಫಾ. ಜೆ.ಬಿ. ಕ್ರಾಸ್ತಾರವರು ಬಿಷಪ್‌ರನ್ನು ಹೂಗುಚ್ಛ ನೀಡಿ ಅಭಿನಂದಿಸಿದರು. ಸಂದೇಶ ಪ್ರತಿಷ್ಠಾನದ ನಿರ್ದೇಶಕ ಫಾ. ನೆಲ್ಸನ್ ಅಲ್ಮೇಡಾ ಪ್ರವಚನ ನೀಡಿದರು.
  ಇನ್ನು ಸಚಿವ ಯು.ಟಿ ಖಾದರ್ ಬಿಷಪ್ ಹೌಸ್ ಗೆ ತೆರಳಿ ಶುಭಾಷಯ ಕೋರಿದರು. ಬಳಿಕ ಮಾತನಾಡಿದ ಸಚಿವ ಖಾದರ್,ಇಂದು ಅಲೋಶಿಯಸ್ ಪೌವ್ಲ್ ಡಿಸೋಜರ 77ನೆ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದು, ಅವರಿಗೆ ಉನ್ನತ ಯಶಸ್ಸು ಸಿಗಲಿ ಎಂದು ಹಾರೈಸುತ್ತೇನೆ ಅಲ್ಲದೆ ಎಲ್ಲರಿಗೂ ಮಾರ್ಗದರ್ಶನ ನೀಡುವ ಅವರ ಕಾರ್ಯ ಮುಂದುವರಿಯಲಿ ಎಂದು ಅಶಿಸುತ್ತೇನೆ ಎಂದರು.
  ನಾನು ಆಹಾರ ಮತ್ತು ನಾಗರಿಕ ಸರಬರಾಜು ಸಚಿವನಾಗಿದ್ದಾಗ ನನ್ನನ್ನು ಈ ಹಿಂದೆ ಹಲವಾರು ಕಾರ್ಯಕ್ರಮಕ್ಕೆ ಆಹ್ವಾನಿಸುತ್ತಿದ್ದರು. ಇದೀಗ ನಗರಾಭಿವೃದ್ಧಿ ಮತ್ತು ವಸತಿ ಸಚಿವನಾದ ಬಳಿಕ ನಾನು ಬಿಷಪ್ ಭೇಟಿಗೆ ಬಯಸಿದ್ದೆ. ಆದರೆ ಅವರ ಹುಟ್ಟುಹಬ್ಬದ ಸುಸಂದರ್ಭದಲ್ಲಿ ಅವರನ್ನು ಭೇಟಿಯಾಗಲು ಅವಕಾಶ ದೊರಕ್ಕಿದ್ದು ನಿಜಕ್ಕೂ ಸಂತತದ ವಿಚಾರ ಎಂದು ಹೇಳಿದರು.