ಬಂಟ್ವಾಳ: ನಾವೂರು ಪಂಚಾಯತ್‌ನಲ್ಲಿ ದಂಪತಿಗಳಿಗೆ ಭರ್ಜರಿ ಜಯ

•   Wed, Dec 30 2020 04:03:18 PM



• ಬಂಟ್ವಾಳ, ಡಿ.30 (DaijiworldNews/PY): ನಾವೂರು ಗ್ರಾಮಪಂಚಾಯತ್‌ನಲ್ಲಿ ಕಾಂಗ್ರೆಸ್ ಬೆಂಬಲಿತರಾಗಿ ಸ್ಪರ್ಧಿಸಿದ್ದ ಸುವರ್ಣ ಕುಮಾರ್ ಜೈನ್ ಹಾಗೂ ತ್ರಿಶಲ ಸುವರ್ಣ ಜೈನ್ ದಂಪತಿ ಗೆಲುವಿನ ನಗೆ ಬೀರಿದ್ದಾರೆ.

  

  ಇಲ್ಲಿನ ನಾವೂರು ವಾರ್ಡ್‌ನಲ್ಲಿ ಸುವರ್ಣ ಕುಮಾರ್ ಜೈನ್ ಸ್ಪರ್ಧಿಸಿದ್ದು, ದೇವಸ್ಯ ವಾರ್ಡ್‌ನಲ್ಲಿ ಇವರ ಪತ್ನಿ ತ್ರಿಶಲ ಸುವರ್ಣ ಜೈನ್ ಸ್ಪರ್ಧಿಸಿದ್ದು ಈರ್ವರೂ ಗೆಲುವು ಸಾಧಿಸಿದ್ದಾರೆ.

  ನಾವೂರು ಗ್ರಾಮಪಂಚಾಯತ್ ನ 17 ಸ್ಥಾನಗಳ ಪೈಕಿ 10 ರಲ್ಲಿ ಕಾಂಗ್ರೆಸ್ ಬೆಂಬಲಿತರು ಗೆಲುವು ಸಾಧಿಸಿದ್ದು, ಬಿಜೆಪಿ ಬೆಂಬಲಿತರು 7 ಸ್ಥಾನಗಳಲ್ಲಿ ಜಯಗಳಿಸಿದ್ದಾರೆ. ಈ ಮೂಲಕ ನಾವೂರು ಗ್ರಾಮಪಂಚಾಯತ್‌ನಲ್ಲಿ ಕಾಂಗ್ರೆಸ್ ಅಧಿಕಾರಕ್ಕೇರಿದೆ. ಕಳೆದ ಬಾರಿ ನಾವೂರು ಗ್ರಾಮಪಂಚಾಯತ್‌ನಲ್ಲಿ 12 ಸ್ಥಾನಗಳಲ್ಲಿ ಬಿಜೆಪಿ ಹಾಗೂ 5 ಸ್ಥಾನಗಳಲ್ಲಿ ಕಾಂಗ್ರೆಸ್ ಜಯಗಳಿಸಿತ್ತು.