ಜಪ್ಪಿನ ಮೊಗರು: ಲಾರಿ -ಸ್ಕೂಟರ್ ಡಿಕ್ಕಿ, ಓರ್ವ ಧಾರುಣ ಸಾವು

•   Tue, Sep 26 2017 11:12:19 PM



•  

  ಮಂಗಳೂರು ಸೆ26: ಲಾರಿ ಹಾಗೂ ಸ್ಕೂಟರ್ ನಡುವೆ ನಡೆದ ಅಪಘಾತದಿಂದಾಗಿ ಸ್ಕೂಟರ್ ಸವಾರರೋರ್ವರು ಧಾರುಣವಾಗಿ ಮೃತಪಟ್ಟ ಘಟನೆ ಇಂದು ರಾತ್ರಿ ನಡೆದಿದೆ. ಜಪ್ಪಿನ ಮೊಗರು ರಾಶ್ಟ್ರೀಯ ಹೆದ್ದಾರಿ 66 ರಲ್ಲಿ ಅಪಘಾತ ನಡೆದಿದ್ದು ಸ್ಥಳೀಯ ಬಾಬು ಬಲ್ಯಾಯ(40) ಮೃತಪಟ್ಟ ವ್ಯಕ್ತಿಯಾಗಿದ್ದಾರೆ.

  
  
  

  
  ಮಂಗಳೂರಿನಿಂದ ಕೇರಳಕ್ಕೆ ತೆರಳುತ್ತಿದ್ದ ಕೆ.ಎಲ್ 14, ಎ.ಎನ್ 7779 ಲಾರಿಯು ಹಠಾತ್ತನೆ ತನ್ನ ಪಥವನ್ನು ಬದಲಾಯಿಸಿದ ಪರಿಣಾಮ ಪಕ್ಕದಲ್ಲೇ ಸಂಚರಿಸುತ್ತಿದ್ದ ಸ್ಕೂಟರಿಗೆ ಡಿಕ್ಕಿಯಾಗಿದೆ. ತಕ್ಷಣ ಸ್ಕೂಟರಿನಿಂದ ಕೆಳಗೆ ಬಿದ್ದ ಬಾಬುರವರ ಮೇಲೆ ಲಾರಿಯ ಚಕ್ರ ಹರಿದ ಕಾರಣ ಅವರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಬಾಬುರವರು ಪಂಪ್ ವೆಲ್ ನಿಂದ ಜಪ್ಪಿನ ಮೊಗರಿನ ತಮ್ಮ ಮನೆಗೆ ತೆರಳುತ್ತಿದ್ದಾಗ ಈ ಘಟನೆ ನಡೆದಿದೆ.
  ಸ್ಥಳಕ್ಕೆ ಆಗಮಿಸಿದ ಪೋಲಿಸರು ಕೇಸು ದಾಖಲಿಸಿಕೊಂಡಿದ್ದಾರೆ.