ಕಾಸರಗೋಡು: ರೈಲು ಬಡಿದು ಮೂರು ವರ್ಷದ ಬಾಲಕ ಸಾವು - ಮತ್ತೊಬ್ಬ ಬಾಲಕ ಗಂಭೀರ

•   Sun, Jun 24 2018 04:30:42 PM



• ಕಾಸರಗೋಡು, ಜೂ 24 : ರೈಲು ಬಡಿದು ಮೂರುವರೆ ವರ್ಷದ ಬಾಲಕ ಮೃತಪಟ್ಟ ದಾರುಣ ಘಟನೆ ಕುಂಬಳೆ ಸಮೀಪದ ಮೊಗ್ರಾಲ್ ನಲ್ಲಿ ಜೂ. 24 ಭಾನುವಾರ ಮಧ್ಯಾಹ್ನ ನಡೆದಿದ್ದು . ಸಹೋದರ ಗಂಭೀರ ಗಾಯಗೊಂಡಿದ್ದಾನೆ. ಮೊಗ್ರಾಲ್ ಕೊಪ್ಪಳದ ಸಿದ್ದಿಕ್ ರವರ ಪುತ್ರ ಬಿಲಾಲ್ ಮೃತಪಟ್ಟ ಬಾಲಕ . ಈತನ ಸಹೋದರ ಇಸ್ಮಾಯಿಲ್ ( 5 ) ಗಂಭೀರ ಗಾಯಗೊಂಡಿದ್ದು ಮಂಗಳೂರು ಆಸ್ಪತ್ರೆಗೆ ದಾಖಲಿಸಲಾಗಿದೆ.

  

  ಕೊಪ್ಪಳ ರೈಲ್ವೆ ಹಳಿ ಸಮೀಪ ಇವರ ಮನೆ ಹೊಂದಿದ್ದು , ತಾಯಿ ಮನೆಯಿಂದ ಹೊರಗಡೆ ತೆರಳಿದ್ದ ಸಂದರ್ಭದಲ್ಲಿ ಇಬ್ಬರು ಹುಡುಕಿಕೊಂಡು ಹಳಿ ಬಳಿ ತಲಪಿದ್ದರು ಎನ್ನಲಾಗಿದೆ. ಈ ಸಂದರ್ಭದಲ್ಲಿ ಮಂಗಳೂರಿನಿಂದ ಕಣ್ಣೂರು ಕಡೆಗೆ ತೆರಳುತ್ತಿದ್ದ ರೈಲು ಬಡಿದು ದುರ್ಘಟನೆ ನಡೆದಿದೆ .

  ಕಾಸರಗೋಡು ನಗರ ಠಾಣೆ ಮತ್ತು ರೈಲ್ವೆ ಪೊಲೀಸರು ಸ್ಥಳಕ್ಕಾಗಮಿಸಿ ತನಿಖೆ ನಡೆಸುತ್ತಿದ್ದಾರೆ