ಬಂಟ್ವಾಳ : ಚಲಿಸುತ್ತಿದ್ದ ರಿಕ್ಷಾದ ಮೇಲೆರಗಿದ ಬೃಹತ್ ಮರ- ಚಾಲಕ ಪವಾಡ ಸದೃಶ್ಯ ಪಾರು

•   Wed, Jun 27 2018 10:13:49 AM



• ಬಂಟ್ವಾಳ, ಜೂ. 27: ಚಲಿಸುತ್ತಿದ್ದ ಆಟೊ ರಿಕ್ಷಾವೊಂದರ ಮೇಲೆ ಮರ ಬಿದ್ದ ಪರಿಣಾಮ ಚಾಲಕ ಅಪಾಯದಿಂದ ಪಾರಾದ ಘಟನೆ ಬಂಟ್ವಾಳದ ಎಸ್‌ವಿಎಸ್ ಕಾಲೇಜು ಬಳಿ ಜೂ 26 ರ ಮಂಗಳವಾರ ಸಂಭವಿಸಿದೆ.

  

  

  

  ಘಟನೆಯಿಂದ ಇಲ್ಲಿನ ಪೊಂಗರಬೆಟ್ಟು ನಿವಾಸಿ, ಲಕ್ಷ್ಮಣ ಪೂಜಾರಿ ಎಂಬವರಿಗೆ ಸೇರಿದ ಆಟೊ ರಿಕ್ಷಾ ಸಂಪೂರ್ಣವಾಗಿ ಜಖಂಗೊಂಡಿದೆ. ಆಟೋ ರಿಕ್ಷಾದಲ್ಲಿ ಮಕ್ಕಳನ್ನು ಬಂಟ್ವಾಳದಿಂದ ಸ್ಥಳೀಯ ಶಾಲೆಗೆ ಬಿಟ್ಟು, ಮೂಡಬಿದಿರೆ ಕಡೆಗೆ ಹೋಗುವ ಸಂದರ್ಭ ಎಸ್‌ವಿಎಸ್ ಕಾಲೇಜು ಬಳಿ ಈ ಅವಘಡ ಸಂಭವಿಸಿದೆ. ಚಾಲಕ ಯಾವುದೇ ಅಪಾಯವಿಲ್ಲದೆ ಪಾರಾಗಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ. ಘಟನೆಯಿಂದ ಪಕ್ಕದಲ್ಲಿದ್ದ ವಿದ್ಯುತ್ ಕಂಬಕ್ಕೆ ಹಾನಿಯಾಗಿದ್ದು, ವಿದ್ಯುತ್ ತಂತಿಯು ಮುರಿದುಬಿದ್ದಿದ್ದು, ಅದನ್ನು ತೆರವುಗೊಳಿಸಲಾಗಿದೆ.