ಕಾಸರಗೋಡು: ವಿದೇಶದಿಂದ ಪುತ್ರಿಯ ಆಗಮನ- ಕರೆದೊಯ್ಯಲು ತೆರಳುತ್ತಿದ್ದ ತಂದೆ ಅಪಘಾತದಲ್ಲಿ ಮೃತ್ಯು

•   Tue, Jul 03 2018 10:56:47 AM



• ಕಾಸರಗೋಡು, ಜು 03 : ಕೆ ಎಸ್ ಆರ್ ಟಿ ಸಿ ಬಸ್ಸಿನ ಹಿಂಬದಿಗೆ ಕಾರು ಡಿಕ್ಕಿ ಹೊಡೆದು ಓರ್ವ ಮೃತಪಟ್ಟ ಘಟನೆ ಕಾಸರಗೋಡು - ಕಾಞ೦ಗಾಡ್ ರಾಜ್ಯ ಹೆದ್ದಾರಿಯ ಉದುಮ ಪಳ್ಳಂ ಎಂಬಲ್ಲಿ ಜು. 2ರ ಸೋಮವಾರ ರಾತ್ರಿ ನಡೆದಿದೆ. ಮೃತಪಟ್ಟವರನ್ನು ಎನ್. ಕೆ ಅಬ್ದುಲ್ ಹಮೀದ್ ಹಾಜಿ ( 72) ಎಂದು ಗುರುತಿಸಲಾಗಿದೆ. ಚಾಲಕ ವಳಿಯಪರಂಬದ ಝುಲ್ಫಿಕರ್ ಗಾಯಗೊಂಡಿದ್ದಾರೆ.

   

   

   

  ಅಪಘಾತ ನಡೆದ ಕೂಡಲೇ ಸ್ಥಳೀಯರು ಇಬ್ಬರನ್ನು ಕಾಸರಗೋಡು ಆಸ್ಪತ್ರೆಗೆ ತಲಪಿಸಿದರೂ ಅಬ್ದುಲ್ ಖಾದರ್ ರ ಜೀವ ಉಳಿಸಲಾಗಲಿಲ್ಲ . ದುಬೈ ಯಿಂದ ಊರಿಗೆ ಆಗಮಿಸುತ್ತಿರುವ ಪುತ್ರಿ ಯನ್ನು ಮಂಗಳೂರು ವಿಮಾನ ನಿಲ್ದಾಣದಿಂದ ಕರೆತರಲು ತೆರಳುತ್ತಿದ್ದಾಗ ಈ ಅಪಘಾತ ನಡೆದಿದೆ .ಉದುಮ ಪಳ್ಳಂ ಟೆಲಿಫೋನ್ ಎಕ್ಸ್ ಚೇ೦ಜ್ ಬಳಿ ಕಾಸರಗೋಡಿಗೆ ತೆರಳುತ್ತಿದ್ದ ಬಸ್ಸಿನ ಹಿಂಭಾಗಕ್ಕೆ ಡಿಕ್ಕಿ ಹೊಡೆದಿದೆ. ಅಬ್ದುಲ್ ಖಾದರ್ ಮುಸ್ಲಿಂ ಲೀಗ್ ಪ್ರಾದೇಶಿಕ ಮುಖಂಡರಾಗಿದ್ದರು . ಮೃತದೇಹವನ್ನು ಕಾಸರಗೋಡು ಜನರಲ್ ಆಸ್ಪತ್ರೆಯ ಶವಾಗಾರದಲ್ಲಿರಿಸಲಾಗಿದ್ದು. ಮಂಗಳವಾರ ಬೆಳಿಗ್ಗೆ ಮರಣೋತ್ತರ ಪರೀಕ್ಷೆ ಬಳಿಕ ಸಂಬಂಧಿಕರಿಗೆ ಬಿಟ್ಟುಕೊಡಲಿದೆ. ಬೇಕಲ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.