ಅಮ್ಮೆರ್ ಪೊಲೀಸಾ ಸಿನಿಮಾಕ್ಕೆ ಮಹೂರ್ತ ಫಿಕ್ಸ್

•   Wed, Sep 27 2017 05:06:29 PM



• ಮಂಗಳೂರು, ಸೆ27:ಪೋಸ್ಟರ್ ನಿಂದಲೇ ಹವಾ ಕ್ರಿಯೇಟ್ ಮಾಡಿದ ಅಮ್ಮೆರ್ ಪೋಲಿಸ್ ಚಿತ್ರಕ್ಕೆ ಮಹೂರ್ತ ಫಿಕ್ಸ್ ಆಗಿದೆ. ಎಕ್ಕಸಕ, ಪಿಲಿಬೈಲ್ ಯಮುನಕ್ಕ ಇಂತಹ ಯಶಸ್ವಿ ಚಿತ್ರಗಳನ್ನು ನೀಡಿ ಕೋಸ್ಟಲ್ ವುಡ್ ನಲ್ಲಿ ಯಶಸ್ವಿ ನಿರ್ದೇಶಕರೆನಿಸಿಕೊಂಡಿರುವ ಕೆ. ಸೂರಜ್ ಶೆಟ್ಟಿ ನಿರ್ದೇಶನದಲ್ಲಿ ಮೂಡಿಬರಲಿರುವ ಸಿನಿಮಾ "ಅಮ್ಮೆರ್ ಪೊಲೀಸಾ" ಚಿತ್ರಕ್ಕೆ ಸೆಪ್ಟೆಂಬರ್ ೨೯ರಂದು ಕಟೀಲು ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದಲ್ಲಿ ಮುಹೂರ್ತ ನಡೆಯಲಿದೆ. ಈ ಬಗ್ಗೆ ಬುಧವಾರ ಸುದ್ದಿಗೋಷ್ಠಿಯಲ್ಲಿ ಮಾಹಿತಿ ನೀಡಿದ ಅವರು, ಕಿಶೋರ್ ಡಿ.ಶೆಟ್ಟಿಯವರ ಲಕುಮಿ ಕ್ರಿಯೇಷನ್ಸ್ ಲಾಂಛನದಲ್ಲಿ ತಯಾರಾಗುತ್ತಿರುವ ಮೂರನೇ ಸಿನಿಮಾ ಇದಾಗಿದ್ದು, ರಾಜೇಶ್ ಬಿ. ಶೆಟ್ಟಿ ಚಿತ್ರದ ನಿರ್ಮಾಪಕರಾಗಿದ್ದು, ಸಚಿನ್ ಎಸ್. ಶೆಟ್ಟಿ ಛಾಯಾಗ್ರಾಹಕರಾಗಿದ್ದಾರೆ ಎಂದರು ಇನ್ನು ಸಿನಿಮಾದ ತಾರಾಗಣದಲ್ಲಿ ರೂಪೇಶ್ ಶೆಟ್ಟಿ, ಪೂಜಾ ಶೆಟ್ಟಿ, ಅರವಿಂದ್ ಬೋಳಾರ್, ಸತೀಶ್ ಬಂದಲೆ, ವಿಸ್ಮಯ ವಿನಾಯಕ ಮೊದಲಾದವರಿದ್ದಾರೆ.