ಕುಂದಾಪುರ: ಬಸ್ -ಬೈಕ್ ಢಿಕ್ಕಿ, ಸವಾರ ಸಾವು- ಯುವತಿಗೆ ಗಂಭೀರ ಗಾಯ

•   Tue, Jul 10 2018 11:11:44 AM



• ಕುಂದಾಪುರ, ಜು 09 : ಬಸ್ -ಬೈಕ್ ಢಿಕ್ಕಿಯಾಗಿ ಬೈಕ್ ಸವಾರ ಸ್ಥಳದಲ್ಲೇ ಸಾವನ್ನಪ್ಪಿದ್ದು, ಹಿಂಬದಿ ಸವಾರೆ ಗಂಭೀರ ಗಾಯಗೊಂಡ ಘಟನೆ ಹೊಸನಗರ ತಾಲೂಕಿನ ಮಾಸ್ತಿಕಟ್ಟೆ ಬಳಿ ಸೋಮವಾರ ಸಂಜೆ ನಡೆದಿದೆ. ಕೊಲ್ಲೂರು ಸಮೀಪದ ಇಡೂರು -ಕುಂಞಡಿ ನಿವಾಸಿಯಾದ ಪ್ರಸನ್ನ ಶೆಟ್ಟಿ (26) ಸ್ಥಳದಲ್ಲೇ ಸಾವನ್ನಪ್ಪಿದ್ದು, ಸಿದ್ದಾಪುರ ಆಜ್ರಿ ಗ್ರಾಮದ ಯುವತಿ ಸೀತಾರಾಮ ಶೆಟ್ಟಿ ಅವರ ಪುತ್ರಿ, ಅರ್ಪಿತಾ ಶೆಟ್ಟಿ (23)ಗಂಭೀರ ಗಾಯಗೊಂಡಗೊಂಡಿದ್ದು ಅವರನ್ನು ಮಣಿಪಾಲ ಆಸ್ಪತ್ರೆಗೆ ದಾಖಲಿಸಲಾಗಿದೆ. 

  

  

  
  ಬಸ್ ಮಾಸ್ತಿಕಟ್ಟೆಯಿಂದ ತಿರುಪತಿ ಕಡೆಗೆ ತೆರಳುತ್ತಿದ್ದು, ಇವರಿಬ್ಬರು ಬೈಕ್ ನಲ್ಲಿ ಉಡುಪಿ ಕಡೆಗೆ ಹೋಗುತ್ತಿದ್ದರು ಎನ್ನಲಾಗಿದೆ. ವಿದೇಶದಲ್ಲಿ ಕೆಲಸ ಮಾಡುತ್ತಿ ಪ್ರಸನ್ನ ಶೆಟ್ಟಿ ಅವರು ಕೆಲವು ದಿನಗಳ ಹಿಂದೆ ರೈಲಿಗೆ ತಲೆಕೊಟ್ಟು ಆತ್ಮಹತ್ಯೆ ಮಾಡಿಕೊಂಡ ಅಣ್ಣನನ್ನು ನೋಡಲು ಊರಿಗೆ ಬಂದಿದ್ದರು. ಅರ್ಪಿತಾ ಈ ವರ್ಷ ವಷ್ಟೇ ಭಂಡಾರ್ಕಾರ್ಸ್ ಕಾಲೇಜಿನಲ್ಲಿ ಪದವಿ ಮುಗಿಸಿದ್ದರು. ಪ್ರಸನ್ನ ಅವರ ಮೃತದೇಹವನ್ನು ಹೊಸನಗರದ ತಾಲೂಕು ಆಸ್ಪತ್ರೆಯ ಶವಗಾರದಲ್ಲಿ ಇಡಲಾಗಿದೆ. ಹೊಸನಗರ ತಾಲೂಕಿನ ನಗರ ಪೊಲೀಸ್ ಠಾಣೆ ಯಲ್ಲಿ ಪ್ರಕರಣ ದಾಖಲಾಗಿದೆ.