ಮಂಗಳೂರು: ನದಿ ಪಾಲಾಗಿದ್ದ ಯುವಕನಿಗಾಗಿ ತೀವ್ರ ಶೋಧ - ಎನ್ ಡಿಆರ್ ಎಫ್ , ಅಗ್ನಿಶಾಮಕ ದಳದ ಕಾರ್ಯಾಚರಣೆ

•   Wed, Jul 11 2018 01:52:04 PM



• ಮಂಗಳೂರು, ಜು 11 : ನಾಲ್ಕು ದಿನಗಳ ಹಿಂದೆ, ಪ್ರವಾಹದಲ್ಲಿ ಮುಳುಗಿ ಫಲ್ಗುಣಿ ನದಿ ಪಾಲಾಗಿದ್ದ ವಾಮಂಜೂರು ಅಂಬೇಡ್ಕರ್ ನಗರ ನಿವಾಸಿ ಸುಶಾಂತ್ ಎಂಬ ಯುವಕನ ಪತ್ತೆಗೆ ಇಂದು ಕೂಡ ಶೋಧ ಕಾರ್ಯ ಮುಂದುವರೆಸಲಾಗಿದೆ. ಎನ್ ಡಿಆರ್ ಎಫ್ ತಂಡ, ಅಗ್ನಿಶಾಮಕ ದಳ ಸಿಬ್ಬಂದಿಗಳು ಹಾಗೂ ಸ್ಥಳೀಯರು ಶೋಧ ಕಾರ್ಯ ನಡೆಸುತ್ತಿದ್ದಾರೆ. ಒಂದು ತಂಡ ಕೂಳೂರುನಿಂದ ತಣ್ಣೀರುಬಾವಿ ತನಕ ಶೋಧ ಕಾರ್ಯ ನಡೆಸುತ್ತಿದ್ದು, ಮತ್ತೊಂದು ತಂಡ ಮೂಡುಶೆಡ್ಡೆಯಲ್ಲಿ ಶೋಧಕಾರ್ಯ ನಡೆಸುತ್ತಿದೆ. 

  

  

  

  

  ಇನ್ನು ಜುಲೈ ೮ರಂದು ಸ್ನೇಹಿತರೊಂದಿಗೆ ಸ್ನಾನಕ್ಕೆಂದು ತೆರಳಿದ್ದ ವೇಳೆ ಸುಶಾಂತ್ ನೀರಿನ ಸೆಳೆತಕ್ಕೆ ಸಿಕ್ಕಿಕೊಂಡು ನದಿ ಪಾಲಾಗಿದ್ದಾನೆ. ತಕ್ಷಣ ಸ್ಥಳೀಯರಿಗೆ ಮಾಹಿತಿ ರವಾನಿಸಲಾಗಿದೆ. ಸ್ಥಳೀಯರು ಹಾಗೂ ಅಗ್ನಿಶಾಮಕ ದಳ ಸಿಬ್ಬಂದಿಗಳು ಕಾರ್ಯಾಚರಣೆ ನಡೆಸಿ ವಿಫಲರಾಗಿದ್ದು, ಕಾರ್ಯಾಚರಣೆ ಮುಂದುವರೆಸಲಾಗಿದೆ.