ಸಿಎಂ ಅವರೇ, ಯಾವಾಗ ಸಾಲ ಮನ್ನಾ ಮಾಡುತ್ತೀರೆಂದು ಸ್ಪಷ್ಟವಾಗಿ ತಿಳಿಸಿ - ಶೋಭಾ

•   Fri, Jul 13 2018 12:55:49 PM



• ಚಿಕ್ಕಮಗಳೂರು, ಜು13: ಬಿಜೆಪಿ ಪಕ್ಷ ನನಗೆ ಯಾವ ಜವಾಬ್ದಾರಿ ಕೊಟ್ಟರೂ ನಾನು ನಿಭಾಯಿಸುತ್ತೇನೆ. ಕೇವಲ ಪಕ್ಷದ ಕೆಲಸವನ್ನು ಮಾಡಿ ಎಂದರು ನಾನು ರೆಡಿ ಎಂದು ಬಿಜೆಪಿ ಸಂಸದೆ ಶೋಭಾ ಕರಂದ್ಲಾಜೆ ಹೇಳಿದ್ದಾರೆ. 

  

  ಚಿಕ್ಕಮಗಳೂರಿನಲ್ಲಿ ಮಾತನಾಡಿದ ಅವರು, ರಾಷ್ಟ್ರ-ರಾಜ್ಯ ನಾಯಕತ್ವ ಯಾವುದು ಸ್ಥಾನ ಕೊಟ್ಟರೂ ನಿಭಾಯಿಸುವೆ. ಲೋಕಸಭಾ ಚುನಾವಣೆಯಲ್ಲಿ ಸ್ಪರ್ಧಿಸುವುದು ಬೇಡವೆಂದು ಸೂಚನೆ ಕೊಟ್ಟರೆ ಸ್ಪರ್ಧಿಸುವುದಿಲ್ಲ. ಚುನಾವಣೆಗೆ ಸ್ಪರ್ಧಿಸಿ ಎಂದರೆ ಸ್ಪರ್ಧಿಸುವೆ. ಕೇವಲ ಪಕ್ಷದ ಕೆಲಸವನ್ನು ಮಾಡಿ ಎಂದರು ನಾನು ರೆಡಿ ಎಂದು ತಿಳಿಸಿದ್ದಾರೆ.  

  ಈ ವೇಳೆ ರಾಜ್ಯದ ಸಿ.ಎಂ ವಿರುದ್ಧ ಮಾತನಾಡಿದ ಅವರು, ಕುಮಾರಸ್ವಾಮಿ ಮಂಡಿಸಿರುವ ಬಜೆಟ್ ಸುಳ್ಳಿನ ಬಜೆಟ್. ಜನರ, ರೈತರ ಮೂಗಿಗೆ ತುಪ್ಪ ಹಚ್ಚುವ ಈ ಬಜೆಟ್‌ನಲ್ಲಿ ಎಷ್ಟು ಸಾಲ ಮನ್ನಾ ಆಗುತ್ತದೆ ಎಂಬ ಬಗ್ಗೆ ಯಾವುದೇ ಸ್ಪಷ್ಟತೆ ಇಲ್ಲ. ರಾಜ್ಯದ ಜನತೆಗೆ ಸಿಎಂ ಸುಳ್ಳು ಹೇಳಿದ್ದಾರೆ. ಯಾವಾಗ ಸಾಲ ಮನ್ನಾ ಮಾಡುತ್ತೀರಿ..? ಎಂದು ಸ್ಪಷ್ಟವಾಗಿ ತಿಳಿಸಿ. ಜನತೆಗೆ ಮೋಸ ಮಾಡುವ ಕೆಲಸ ಮಾಡಬೇಡಿ ಎಂದು ವಿನಂತಿಸಿಕೊಂಡಿದ್ದಾರೆ.