ಬಂಟ್ವಾಳ: ವಾಹನ ತಪಾಸಣೆ, 300ಕ್ಕೂ ಅಧಿಕ ಪ್ರಕರಣ ದಾಖಲು

•   Wed, Jul 18 2018 11:24:33 PM



• ಬಂಟ್ವಾಳ, ಜು 18: ಸಂಚಾರ ನಿಯಂತ್ರಣ ಮತ್ತು ರಸ್ತೆ ಸುರಕ್ಷತಾ ಮಾಸಾಚರಣೆ ಅಂಗವಾಗಿ ಬಂಟ್ವಾಳ ಸಂಚಾರಿ ಠಾಣಾ ಎಸ್ಸೈ ಯಲ್ಲಪ್ಪ ಅವರ ನೇತೃತ್ವದಲ್ಲಿ ಬುಧವಾರ ಬೆಳಿಗ್ಗೆನಿಂದಲೇ ಬಂಟ್ವಾಳ ತಾಲೂಕಿನ ವಿವಿಧೆಡೆ ವಾಹನಗಳ ತಪಾಸಣೆ ನಡೆಸಲಾಯಿತು.

  

  

  ಬಂಟ್ವಾಳ ತಾಲೂಕಿನ ಬಿ.ಸಿ.ರೋಡ್ ಮೇಲ್ಸೇತುವೆ ಬಳಿ, ಪಾಣೆಮಂಗಳೂರು ಹಾಗೂ ಕೈಕಂಬ ಜಂಕ್ಷನ್ ಬಳಿ ವಾಹನ ತಪಾಸಣೆ ನಡೆಸಿ, ಸುಮಾರು 300 ಪ್ರಕರಣಗಳನ್ನು ದಾಖಲಿಸಲಾಗಿದ್ದು, 47 ಸಾವಿರಕ್ಕೂ ಅಧಿಕ ರೂ. ದಂಡ ವಸೂಲು ಮಾಡಲಾಗಿದೆ. ಒಟ್ಟು ಮೂರು ತಂಡಗಳಾಗಿ ಕಾರ್ಯಾಚರಣೆ ನಡೆಸಲಾಯಿತು. ತಪಾಸಣೆ ವೇಳೆ ಕರ್ಕಶ ಶಬ್ದ ಮಾಡುವ ವಾಹನಗಳಿಂದ ದಂಡ ವಸೂಲು ಮಾಡಲಾಗಿದೆ. ಕೆಲವೊಂದು ಕರ್ಕಶ ಶಬ್ದ ವಾಹನಗಳ ವಾರ್ನ್‌ಗಳನ್ನು ತೆಗೆಯಲಾಗಿದೆ. ಸಂಚಾರ ನಿಯಂತ್ರಣ ಮತ್ತು ರಸ್ತೆ ಸುರಕ್ಷತಾ ಮಾಸಾಚರಣೆ ಅಂಗವಾಗಿ ಬಿ.ಮೂಡ ಪರಿಸರದ ಎರಡು ಶಾಲೆಗಳಲ್ಲಿ ಮಾಹಿತಿ ಶಿಬಿರವನ್ನೂ ಆಯೋಜಿಸಲಾಗಿತ್ತು.