ಬೆಳ್ತಂಗಡಿ: ಶೆಡ್ ಮೇಲೆ ಉರುಳಿ ಬಿದ್ದ ಮರ, ಕಾರು ಜಖಂ

•   Thu, Jul 19 2018 08:02:32 PM



• ಬೆಳ್ತಂಗಡಿ, ಜು 19: ತಾಲೂಕು ಪಂಚಾಯತ್ ಅಧಿಕಾರಿಯೊಬ್ಬರ ಕಾರು ಶೆಡ್ ಮೇಲೆ ಮರ ಉರುಳಿ ಬಿದ್ದು ಕಾರು ಜಖಂಗೊಂಡಿರುವ ಘಟನೆ ಬೆಳ್ತಂಗಡಿ ತಾಲೂಕಿನ ತಾಲೂಕು ಆಫೀಸ್ ಪಕ್ಕದಲ್ಲಿ ಸಂಭವಿಸಿದೆ. ತಾಲೂಕು ಅಫೀಸ್ ದ್ವೀತಿಯ ದರ್ಜೆ ಸಹಾಯಕರಾದ ಅನುಪಮಾ ಅವರ ಮನೆ ಪಕ್ಕದ ಕಾರು ಶೆಡ್ ಗೆ ಮರ ಉರುಳಿ ಬಿದ್ದಿದ್ದು, ಕಾರು ಜಖಂಗೊಂಡಿದೆ.

  

  

  ಸರಕಾರಿ ಕ್ವಾಟ್ರಸ್ ನ ಹಿಂದೆ ಇರುವ ದೊಡ್ಡ ಮರ ಮಳೆಗೆ ಕಾರು ಶೆಡ್ಡಿನ ಮೇಲೆ ಬಿದ್ದಿದ್ದು ಕಾರಿಗೆ ಹಾನಿಯಾಗಿದೆ. ವಿದ್ಯುತ್ ತಂತಿ ಇರುವ ಹಿನ್ನೆಲೆ ಮನೆ ಪಕ್ಕದಲ್ಲಿರುವ ಅಪಾಯಕಾರಿ ಮರವನ್ನು ತೆರವುಗೊಳಿಸುವಂತೆ ಮೆಸ್ಕಾಂ ಇಲಾಖೆಗೆ ತಿಳಿಸಿ ಮನವಿ ಮಾಡಿದ್ದರು. ಆದರೆ ಮೆಸ್ಕಾಂ ಇಲಾಖೆ ಯಾವುದೇ ಸ್ಪಂಧನೆ ನೀಡಿಲ್ಲ. ಈ ಹಿನ್ನೆಲೆ ಗಾಳಿ ಮಳೆಗೆ ಮರ ಉರುಳಿ ಕಾರು ಶೆಡ್ ಮೇಲೆ ಬಿದ್ದಿದೆ. ಇನ್ನು ಸ್ಥಳಕ್ಕೆ ಅಗ್ನಿಶಾಮಕ ಸಿಬ್ಬಂದಿ, ಅರಣ್ಯ ಇಲಾಖೆ ಹಾಗೂ ಮೆಸ್ಕಾಂ ಇಲಾಖೆ ಸಿಬ್ಬಂದಿಗಳು ಬಂದು ಮರ ತೆರವುಗೊಳಿಸಿದ್ದಾರೆ.