ಉಡುಪಿ: ಶಿರೂರು ಶ್ರೀಗಳ ನಿಧನದ ಬಗ್ಗೆ ಸಂಶಯ ಹಿನ್ನೆಲೆ ಸೂಕ್ತ ತನಿಖೆ ನಡೆಸಲಾಗುವುದು-ಸಚಿವ ಖಾದರ್

•   Fri, Jul 20 2018 07:54:07 PM



• ಉಡುಪಿ, ಜು 20: ಶಿರೂರು ಶ್ರೀಗಳು ವಿಧಿವಶವಾಗಿರುವುದು ನನಗೆ ಬಹಳಷ್ಟು ನೋವು ತಂದಿದೆ ಎಂದು ನಗರಭಿವೃದ್ದಿ ಸಚಿವ ಯುಟಿ ಖಾದರ್ ಸಂತಾಪ ವ್ಯಕ್ತ ಪಡಿಸಿದ್ದಾರೆ. ಉಡುಪಿಯ ಹಿರಿಯಡ್ಕದಲ್ಲಿರುವ ಮೂಲ ಮಠಕ್ಕೆ ಭೇಟಿ ನೀಡಿದ ಸಚಿವ ಖಾದರ್ ಶಿರೂರು ಶ್ರೀಗಳ ಸಮಾಧಿಗೆ ತೆರಳಿ ಗೌರವ ನಮನ ಸಲ್ಲಿಸಿದರು.

  

  ಬಳಿಕ ಮಾಧ್ಯಮಕ್ಕೆ ಪ್ರತಿಕ್ರಿಯೆ ನೀಡಿದ ಅವರು ಬೆಂಗಳೂರಿನಲ್ಲಿ ತುರ್ತು ಕೆಲಸವಿದ್ದ ಕಾರಣ ನಿನ್ನೆ ಶಿರೂರು ಶ್ರೀಗಳ ಅಂತ್ಯ ಕ್ರಿಯೆಗೆ ನನಗೆ ಬರಲು ಸಾಧ್ಯವಾಗಿಲ್ಲ. ನನಗೂ ಶ್ರೀಗಳಿಗೂ ಮೊದಲಿನಿಂದಲೂ ಒಂದು ಉತ್ತಮ ಸ್ನೇಹ ಹಾಗೂ ಆತ್ಮೀತೆಯ ಇತ್ತು. ನಾವಿಬ್ಬರು ಸೋದರತೆಯಿಂದ ಇದ್ದೆವು. ನಾನು ಒಬ್ಬ ಮಂತ್ರಿಯಾಗಿ ಇವತ್ತು ಇಲ್ಲಿಗೆ ಬಂದಿಲ್ಲ. ಶ್ರೀಗಳ ಹಿತೈಷಿಯಾಗಿ ಇಲ್ಲಿಗೆ ಬಂದಿದ್ದೇನೆ. ಶ್ರೀಗಳ ಸಾವಿನ ಬಗ್ಗೆ ಅನುಮಾನಗಳು ವ್ಯಕ್ತ ವಾಗುತ್ತಿದೆ. ಈ ಬಗ್ಗೆ ಜಿಲ್ಲಾಡಳಿತ ಹಾಗೂ ಸರಕಾರ ಸೂಕ್ತ ತನಿಖೆ ನಡೆಸಲಿದೆ ಎಂದು ಸಚಿವ ಖಾದರ್ ಪ್ರತಿಕ್ರಿಯೆ ನೀಡಿದ್ದಾರೆ.