ಉಡುಪಿ: ಗಾಯಗೊಂಡ ಗೂಳಿಯ ರಕ್ಷಣೆ

•   Fri, Jul 20 2018 11:20:14 PM



• ಉಡುಪಿ, ಜು 20: ಗಾಯಗೊಂಡು ರಸ್ತೆಯಲ್ಲಿ ಅಸಹಾಯಕ ಸ್ಥಿತಿಯಲ್ಲಿ ಅಡ್ಡಾದಿಡ್ಡಿಯಾಗಿ ಒಡುತ್ತಿದ್ದ ಗೂಳಿವೊಂದನ್ನು ಸಾರ್ವಜನಿಕರು ರಕ್ಷಿಸಿದ ಘಟನೆ ಉಡುಪಿಯಲ್ಲಿ ನಡೆದಿದೆ. ಉಡುಪಿ ನಗರದ ಕಲ್ಸಂಕ ಗುಂಡಿಬೈಲು ಪರಿಸರದಲ್ಲಿ ಗೂಳಿಯೊಂದರ ಕಾಲಿಗೆ ಅಲ್ಯೂಮಿನಂ ರಿಂಗು ಸಿಲುಕಿ ವೇದನೆ ಪಡುತ್ತಿತ್ತು.

  

  ಗಾಯದಿಂದಾಗಿ ಗೂಳಿಗೆ ನಡೆದಾಡಲು ಕಷ್ಟ ಕರವಾಗಿತ್ತು. ಗೂಳಿಯ ಯಾತನೆಯನ್ನು ಕಂಡು ಸ್ಥಳೀಯರು ಗೂಳಿಯ ಕಾಲಿಗೆ ಸಿಕ್ಕಿ ಬಿದ್ದ ರಿಂಗನ್ನು ಬಿಡಿಸಲು ಪ್ರಯತ್ನಿಸಿದ್ದಾರೆ. ಸ್ಥಳೀಯರ ಪ್ರಯತ್ನಯರು ಎಷ್ಟೇ ಪ್ರಯತ್ನಪಟ್ಟರೂ ಗೂಳಿ ಸ್ಥಳೀಯರ ಕೈಗೆ ಸಿಕ್ಕಿಲ್ಲ. ಇವತ್ತು ಮತ್ತೇ ಸ್ಥಳೀಯರು ಪ್ರಯತ್ನಿಸಿದ್ದು ಗೂಳಿಯನ್ನು ಹಿಡಿಯುವಲ್ಲಿ ಯಶಸ್ವಿಯಾಗಿದ್ದಾರೆ. ಗಾಯಗೊಂಡ ಗೂಳಿಗೆ ಪಶು ವೈದ್ಯ ಡಾ. ಸಂದೀಪ್ ಶೆಟ್ಟಿ ಚಿಕಿತ್ಸೆ ನೀಡಿದ್ದಾರೆ.