ಉಳ್ಳಾಲ: ವಯಸ್ಸು30 ಆದರೆ ಪ್ರಕರಣ 24 - ಕೊನೆಗೂ ಅಂದರ್ ಆದ ಆರೋಪಿ

•   Sun, Jul 22 2018 10:11:31 AM



• 
  ಉಳ್ಳಾಲ, ಜು 22: ವಿವಿಧ ಜಿಲ್ಲೆಗಳ ಪೊಲೀಸ್ ಠಾಣೆಗಳಲ್ಲಿ 24 ಪ್ರಕರಣಗಳನ್ನು ಹೊಂದಿರುವ ನಟೋರಿಯಸ್ ಆರೋಪಿಯನ್ನು ಉಳ್ಳಾಲ ಪೊಲೀಸರು ಬಂಧಿಸಿದ್ದಾರೆ.

  

  ಮದನಿನಗರದ ಹನೀಫ್ ಯಾನೆ ಮಹಮ್ಮದ್ ಹನೀಫ್ (30) ಬಂಧಿತ. ಉಳ್ಳಾಲ ಪೊಲೀಸ್ ಠಾಣೆಯಲ್ಲಿ ಕೊಲೆ, ಕೊಲೆಯತ್ನ, ಹಲ್ಲೆ, ದರೋಡೆ, ಕಳವು, ಮಂಗಳೂರು ಉತ್ತರ ಪೊಲೀಸ್ ಠಾಣೆಯಲ್ಲಿ ಕೊಲೆ, ಕುಶಾಲನಗರ ಠಾಣೆಯಲ್ಲಿ ದರೋಡೆ ಸೇರಿದಂತೆ ಒಟ್ಟು 24 ಪ್ರಕರಣಗಳ ಆರೋಪಿಯಾಗಿದ್ದಾನೆ. ಸದ್ಯ ತಲಪಾಡಿಯ ಕೆ.ಸಿ ನಗರದಲ್ಲಿ ವಾಸಿಸುತ್ತಿರುವ ಈತನ ವಿರುದ್ಧ ನ್ಯಾಯಾಲಯ ವಾರಂಟ್ ಜಾರಿಗೊಳಿಸಿತ್ತು. ಈತ ಶನಿವಾರ ಉಳ್ಳಾಲ ದರ್ಗಾ ಪರಿಸರದಲ್ಲಿ ಸುತ್ತಾಡುತ್ತಿದ್ದ ಸಂದರ್ಭ ಉಳ್ಳಾಲ ಠಾಣಾಧಿಕಾರಿ ಗೋಪಿಕೃಷ್ಣ ಕೆ.ಆರ್ ಮತ್ತು ಪಿಎಸ್ ಐ ಗುರುವಪ್ಪ ಕಾಂತಿ ಹಾಗೂ ವಿನಾಯಕ ತೋರಗಲ್ ಹಾಗೂ ಸಿಬ್ಬಂದಿ ಸೇರಿ ಬಂಧಿಸಿದ್ದಾರೆ.