ಮಂಗಳೂರು: ಅದ್ಧೂರಿಯಾಗಿ ಅನಾವರಣಗೊಂಡ ಮಕ್ಕಿಮನೆ ಕಲಾವೃಂದದ ಲೋಗೋ

•   Tue, Jul 24 2018 12:07:56 PM



• ಮಂಗಳೂರು, ಜು24 : ನಗರದ ಜೆಪ್ಪು ಭಗಿನಿ ಸಮಾಜದ ಶಿಶು ನಿಲಯದಲ್ಲಿ ಮಕ್ಕಿಮನೆ ಕಲಾವೃಂದದ ಲೋಗೋ ಬಿಡುಗಡೆ ಸಮಾರಂಭ ಯಶಸ್ವಿಯಾಗಿ ನೆರವೇರಿತು.

  

  

  

  

  

  ರಂಗಭೂಮಿ ಮತ್ತು ಚಲನಚಿತ್ರ ನಟ ಭೋಜರಾಜ್ ವಾಮಂಜೂರು ಲೋಗೋ ಬಿಡುಗಡೆ ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ಕನ್ನಡ ಸಾಹಿತ್ಯ ಪರಿಷತ್ ದಕ್ಷಿಣ ಕನ್ನಡ ಜಿಲ್ಲಾದ್ಯಕ್ಷರಾದ ಎಸ್. ಪ್ರದೀಪ ಕುಮಾರ್ ಕಲ್ಕೂರ ಮಕ್ಕಿಮನೆ ಕಲಾವೃಂದದ ಲೋಗೋ ಬಿಡುಗಡೆ ಮಾಡಿ ಶುಭ ಹಾರೈಸಿದರು.

  ಈ ಸಂದರ್ಭ ಬಿಗ್ ಬಾಸ್ ವಿಜೇತ ಕನ್ನಡ ಚಲನಚಿತ್ರ ನಟ ಪ್ರಥಮ್ ವತಿಯಿಂದ ನೀಡಿದ ಹತ್ತು ಸಾವಿರ ರೂಪಾಯಿ ಹಾಗೂ ಮಕ್ಕಿಮನೆ ಕಲಾವೃಂದದ ವತಿಯಿಂದ ಐದು ಸಾವಿರ ರೂಪಾಯಿಗಳನ್ನು ಭಗಿನಿ ಸಮಾಜದ ಶಿಶು ನಿಲಯಕ್ಕೆ ದೇಣಿಗೆಯಾಗಿ ನೀಡಲಾಯಿತು.  ಇದೇ ವೇಳೆ 9 ಗಲ್ಲಿಪು ಕನ್ನಡ ಕಿರುಚಿತ್ರದ ಪ್ರಥಮ ಪೋಸ್ಟರ್ ಬಿಡುಗಡೆ ಮಾಡಲಾಯಿತು. 

  ಕರ್ನಾಟಕ ಪತ್ರಕರ್ತರ ಸಂಘದ ದಕ್ಷಿಣ ಕನ್ನಡ ಜಿಲ್ಲಾದ್ಯಕ್ಷರಾದ ಸುದೇಶ್ ಕುಮಾರ್ ಮಂಗಳೂರು, ಚಲನಚಿತ್ರ ನಟ ಸಂದೀಪ್ ಶೆಟ್ಟಿ, ಚಲನಚಿತ್ರ ನಟಿ ಸ್ವಾತಿ ಬಂಗೇರ, ಭಗಿನಿ ಸಮಾಜದ ಶಿಶು ನಿಲಯದ ಅಧ್ಯಕ್ಷರಾದ ಶಾಂತಿ ಎನ್ ಪೈ, ಚಲನಚಿತ್ರ ನಿರ್ದೇಶಕ ಜಯಪ್ರಕಾಶ್ ಸಿ ಎಚ್, 9 ಗಲ್ಲಿಪು ಕಿರುಚಿತ್ರದ ಛಾಯಾಗ್ರಾಹಕ ದೇರಳಕಟ್ಟೆ ಸುರೇಶ್, ವಿಜೇಶ್ ದೇವಾಡಿಗ, ಮಕ್ಕಿಮನೆ ಕಲಾವೃಂದದ ಸುದೇಶ್ ಜೈನ್ ಮಕ್ಕಿಮನೆ ವೇದಿಕೆಯಲ್ಲಿ ಉಪಸ್ಥಿತರಿದ್ದರು.