ಮಂಗಳೂರು: ಸೆಲೂನ್ ನಲ್ಲಿ ಕೆಲಸ ಮಾಡುತ್ತಿದ್ದ ಯುವಕನಿಗೆ ಮತ್ತೋರ್ವ ಯುವಕನಿಂದ ಹಲ್ಲೆ

•   Tue, Jul 24 2018 07:43:16 PM



• ಮಂಗಳೂರು, ಜು 24: ನಗರದ ಉರ್ವ ಮಾರ್ಕೆಟ್ ಬಳಿ ಯುವಕನಿಗೆ ಮತ್ತೋರ್ವ ಯುವಕ ಹಲ್ಲೆ ನಡೆಸಿದ ಘಟನೆ ನಡೆದಿದೆ. ಸೆಲೂನ್ ನಲ್ಲಿ ಕೆಲಸ ಮಾಡುತ್ತಿದ್ದ ಕೃಷ್ಣ ಹಲ್ಲೆಗೊಳಗಾದ ಯುವಕ.

  

  ಏಕಾಏಕಿ ಸೆಲೂನ್ ನ ಒಳಗಡೆ ನುಗ್ಗಿದ ಯುವಕ, ಅಲ್ಲಿ ಕೆಲಸ ಮಾಡುತ್ತಿದ್ದ ಕೃಷ್ಣ ಎಂಬವರಿಗೆ ಹಿಗ್ಗಾಮುಗ್ಗ ಥಳಿಸಿದ್ದಾನೆ. ಘಟನೆಗೆ ಸರಿಯಾದ ಕಾರಣ ತಿಳಿದು ಬಂದಿಲ್ಲ. ಯುವತಿಯೋರ್ವಳ ಜತೆ ಸಂಪರ್ಕ ಹೊಂದಿದ್ದಾನೆ ಎಂದು ಸಂಶಯಗೊಂಡು ಹಲ್ಲೆ ನಡೆಸಿದ್ದಾನೆ ಎನ್ನಲಾಗಿದೆ. ಸ್ಥಳಕ್ಕೆ ಉರ್ವ ಠಾಣಾ ಪೋಲಿಸ್ ಭೇಟಿ ನೀಡಿದ್ದು, ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗಿದೆ..