ಯುವತಿಯ ಜೀವನ ಬದಲಾಯಿಸಿದ ಮೋದಿ ಆಟೋಗ್ರಾಫ್ - ಮನೆ ಬಾಗಿಲಿಗೆ ಅರಸಿ ಬರುತ್ತಿದೆ ಮದುವೆ ಪ್ರಸ್ತಾಪ

•   Sat, Jul 28 2018 03:47:05 PM



• ಬಂಕುರಾ, ಜು28: ಪ್ರಧಾನಿ ಮೋದಿಯವರಿಂದ ಆಟೋಗ್ರಾಫ್ ಪಡೆದಳು ಅನ್ನುವ ಕಾರಣಕ್ಕಾಗಿ ಯುವತಿಯೊಬ್ಬಳಿಗೆ ಮದುವೆಯ ಪ್ರಸ್ತಾಪಗಳು ಮನೆ ಬಾಗಿಲಿಗೆ ಅರಸಿ ಬಂದಿದೆ.

  

  ರೀಟಾ ಪ್ರಧಾನಿ ಮೋದಿಯವರಿಂದ ಆಟೋಗ್ರಾಫ್ ಪಡೆದ ಯುವತಿ. ‘ರೀಟಾ ಮುದ್ದಿ ನೀನು ಯಾವಾಗಲೂ ಸುಖವಾಗಿರು’ ಎಂದು ಪ್ರಧಾನಿ ಮೋದಿಯವರು ತಮ್ಮ ಆಟೋಗ್ರಾಫ್ ನಲ್ಲಿ ಬರೆದಿದ್ದರು.

  ಕೆಲ ದಿನಗಳ ಹಿಂದೆ ಪಶ್ಚಿಮ ಬಂಗಾಳದ ಮಿಡ್ನಾಪುರದಲ್ಲಿ ನಡೆದ ಮೋದಿ ರ್ಯಾಲಿಯಲ್ಲಿ ಟೆಂಟ್ ಮುರಿದು ಕೆಲವರಿಗೆ ಗಾಯಗಳಾಗಿತ್ತು. ಅದರಲ್ಲಿ ರೀಟಾ ಕೂಡ ಒಬ್ಬರಾಗಿದ್ದರು. ನಡೆದ ಅ ಘಟನೆಯಲ್ಲಿ ಗಾಯಳುಗಳನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಗಾಯಗೊಂಡವರ ಆರೋಗ್ಯ ವಿಚಾರಿಸಲು ಸ್ವತಃ ಪ್ರಧಾನಿ ಆಸ್ಪತ್ರೆಗೆ ಭೇಟಿ ನೀಡಿದ ಸಂದರ್ಭದಲ್ಲಿ ರೀಟಾ ಅವರ ಸಂತಸ ಮುಗಿಲು ಮುಟ್ಟಿತ್ತು. ಈ ವೇಳೆ ಪ್ರಧಾನಿಯವರ ಆಟೋಗ್ರಾಫ್ ಪಡೆದಿದ್ದರು. ಈಗ ಅದೇ ಆಟೋಗ್ರಾಫ್ ರೀಟಾಳನ್ನು ಸೆಲೆಬ್ರೆಟಿಯನ್ನಾಗಿ ಮಾಡಿದೆ.

  ರೀಟಾ ಮೋದಿ ಅವರಲ್ಲಿ ಆಟೋಗ್ರಾಫ್ ಕೊಡುವಂತೆ ಕೋರಿದಾಗ, ತಕ್ಷಣ ಪ್ರಧಾನಿ ಮೋದಿಯವರು ‘ರೀಟಾ ಮುದ್ದಿ ನೀನು ಯಾವಾಗಲೂ ಸುಖವಾಗಿರು’ ಎಂದು ಆಟೋಗ್ರಾಫ್ ನಲ್ಲಿ ಬರೆದು ಕೊಟ್ಟಿದ್ದರು. ಇದೀಗ ಪ್ರಧಾನಿ ಮೋದಿಯವರಿಂದ ರೀಟಾ ಆಟೋಗ್ರಾಫ್ ಪಡೆದಳು ಅನ್ನುವ ಕಾರಣಕ್ಕಾಗಿ ಈಕೆಗೆ ಮದುವೆಯ ಪ್ರಸ್ತಾಪಗಳು ಮನೆ ಬಾಗಿಲಿಗೆ ಅರಸಿ ಬಂದಿದೆ. ಮೋದಿ ನೀಡಿದ ಆಟೋಗ್ರಾಫ್ ಆಕೆಯ  ಜೀವನವನ್ನೇ ಬದಲಿಸಿಬಿಟ್ಟಿದೆ.