63 ರ ರೋಮಿಯೋಗೆ ಐವರು ಪ್ರೇಯಸಿಯರು - ಸಲುಹಲೆಂದು ಕಳ್ಳನಾದ

•   Tue, Jul 31 2018 10:13:00 AM



• ಜು 31 :ಈತನ ವಯಸ್ಸು 63,ಈತನಿಗಿದ್ದದ್ದು 5 ಜನ ಗರ್ಲ್​ಫ್ರೆಂಡ್ಸ್, ಇವರನ್ನೆಲ್ಲಾ ಮೆಂಟೇನ್ ಮಾಡಲು ಹಿಡಿದ ದಾರಿ ಕಳ್ಳತನ.. ಬರೋಬ್ಬರಿ 2 0ರಾಬರಿ ಕೇಸ್ ಗಳಲ್ಲಿ ಈತನನ್ನು ಬಂಧಿಸಿದಾಗ ಇವನ ಕಹಾನಿ ಕೇಳಿ ಪೊಲೀಸರೇ ಸುಸ್ತುಬಿದ್ದಿದ್ದರು. 

  

  ಬಂಧು ಸಿಂಗ್ ಎಂಬಾತ ಈಗ ದೆಹಲಿ ಪೊಲೀಸರ ಅತಿಥಿ. ಈತ ಕಳ್ಳತನದ ಆರೋಪದ ಮೇಲೆ ಬಂಧಿತನಾಗಿದ್ದಾನೆ. 63 ವರ್ಷವಾದರೂ ಬ್ಯಾಚುಲರ್​ ಆಗಿಯೇ ಜೀವನ ಸಾಗಿಸುತ್ತಿದ್ದ ಬಂಧು ಸಿಂಗ್ ಐದೈದು ಗರ್ಲ್​ಫ್ರೆಂಡ್​ಗಳನ್ನು​ ನಿಭಾಯಿಸುತ್ತಿದ್ದ. ಹೇಗೆ ಎಂದರೆ ಕಳ್ಳತನ ಮಾಡಿ. ಬಂಧು ಸಿಂಗ್ ಇತ್ತೀಚಿಗಷ್ಟೇ ದೆಹಲಿಯ ಸರೈ ರೋಹಿಲಾ ಏರಿಯಾದಲ್ಲಿರುವ ಕಾರ್ಖಾನೆಯಲ್ಲಿ ಕಳ್ಳತನ ಮಾಡಿದ್ದ. ಈ ಬಗ್ಗೆ ದೂರು ದಾಖಲಾಗಿತ್ತು. ಸಿಸಿ ಟಿವಿ ಕ್ಯಾಮರಾ ದೃಶ್ಯಗಳನ್ನು ಪರಿಶೀಲಿಸಿದಾಗ ಕನ್ನ ಹಾಕಿದವನ ಬಗ್ಗೆ ಮಾಹಿತಿ ತಿಳಿದು ಬಂತು ಮತ್ತು 20 ಪ್ರಕರಣಗಳಲ್ಲಿ ಬೇಕಾಗಿದ್ದ ಬಂಧು ಸಿಂಗ್ ನದ್ದೇ ಈ ಕೆಲಸ ಎಂಬುವುದು ಗೊತ್ತಾಯಿತು. ತನಿಖೆ ಕೈಗೆತ್ತಿಕೊಂಡ ದೆಹಲಿ ಪೊಲೀಸರು ಸಿಂಗ್​ನನ್ನು ಅರೆಸ್ಟ್​ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ. ಬಂಧಿಸಿದ ವೇಳೆ ಈತನ ಬಳಿ ಇದ್ದ ಹಣ, 2 ಲ್ಯಾಪ್​ಟಾಪ್​ ಮತ್ತು ಒಂದು ಎಲ್ಇಡಿ ಟಿವಿಯನ್ನು ಪೊಲೀಸರು ವಶಕ್ಕೆ ತೆಗೆದುಕೊಂಡಿದ್ದಾರೆ. ಗರ್ಲ್​ಫ್ರೆಂಡ್​​​ಗಳನ್ನು ಎಣಿಸುತ್ತಿದ್ದ ಇತನನ್ನು ಇದೀಗ ಪೊಲೀಸರು ಕಂಬಿಗಳನ್ನು ಎಣಿಸುವಂತೆ ಮಾಡಿದ್ದಾರೆ.