ಉಳ್ಳಾಲ: ಹಲ್ಲೆಗೆ ಯತ್ನ, ಓರ್ವ ಆರೋಪಿಯ ಬಂಧನ

•   Mon, Aug 06 2018 11:22:16 PM



• ಉಳ್ಳಾಲ, ಅ 6: ಮಂಗಳೂರಿನ ಉಳ್ಳಾಲ ಪೊಲೀಸ್ ಠಾಣಾ ವ್ಯಾಪ್ತಿಯ ಕುತ್ತಾರ್ ರಿಕ್ಷಾ ಪಾರ್ಕ್ ನಲ್ಲಿ ಅಜಿತ್ ಅವರ ಹತ್ಯೆಗೆ ಯತ್ನಿಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಓರ್ವ ಆರೋಪಿಯನ್ನು ಬಂಧಿಸಲಾಗಿದೆ. ಬಂಧಿತನನ್ನು ಮಹಮ್ಮದ್ ಕಬೀರ್ ಯಾನೆ ತಸ್ಲೀಂ ಯಾನೆ ತಚ್ಚಿ (21) ಎಂದು ಗುರುತಿಸಲಾಗಿದೆ.

   

  ಅಜಿತ್ ಮತ್ತು ಮಹಮ್ಮದ್ ಆಲಿ ಎಂಬವರ ನಡುವೆ ವಾಗ್ವಾದ ನಡೆದಿತ್ತು. ಇದನ್ನು ನೆಪ ಮಾಡಿಕೊಂಡು ಅಟೋ ಚಾಲಕ ಅಜಿತ್ ಮೇಲೆ ಹಲ್ಲೆ ಮಾಡುವ ಉದ್ದೇಶದಿಂದ ಆಲಿ ಹಾಗೂ ಸೋದರ ಸಂಬಂಧಿ ಮಹಮ್ಮದ್ ಕಬೀರ್ ಸೇರಿಕೊಂಡು ಹತ್ಯೆಗೆ ಯತ್ನಿಸಿದ್ದರು. ಈ ಬಗ್ಗೆ ಉಳ್ಳಾಲ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಇನ್ನು ಬಂಧಿತ ಆರೋಪಿಯ ವಿರುದ್ಧ ಈ ಹಿಂದೆ ಉಳ್ಳಾಲ ಪೊಲೀಸ್ ಠಾಣೆಯಲ್ಲಿ 4 ಪ್ರಕರಣ ದಾಖಲಾಗಿದ್ದು, ಇದರಲ್ಲಿ ದರೋಡೆ ಯತ್ನ, ಕಳವು, ಕೊಲೆಗೆ ಯತ್ನ ಪ್ರಕರಣಗಳು ಸೇರಿಕೊಂಡಿವೆ. ಸದ್ಯ ಓರ್ವನನ್ನು ಬಂಧಿಸಿರುವ ಪೊಲೀಸರು ವಿಚಾರಣೆ ಮುಂದುವರೆಸಿದ್ದು, ಮತ್ತೋರ್ವನ ಬಂಧನಕ್ಕೆ ಬಲೆ ಬೀಸಿದ್ದಾರೆ.