ಬೆಳ್ತಂಗಡಿ: ಭಾರೀ ಮಳೆಗೆ ಮನೆ ಗೋಡೆ ಕುಸಿತ, ಮನೆ ಮಂದಿ ಪಾರು

•   Thu, Aug 23 2018 11:02:07 PM



• ಬೆಳ್ತಂಗಡಿ, ಆ 23(SM): ಕಳೆದ ಒಂದುವಾರ ನಿರಂತರವಾಗಿ ಸುರಿದ ಮಳೆಗೆ ತಾಲೂಕಿನಲ್ಲಿ ಮನೆಯೊಂದು ಕುಸಿದಿದೆ. ಬೆಳ್ತಂಗಡಿಯ ಕಾನರ್ಪದಲ್ಲಿ ಮನೆಯ ಒಂದು ಭಾಗದ ಗೋಡೆ ಸಂಪೂರ್ಣ ಕುಸಿದ ಘಟನೆ ನಡೆದಿದೆ.

  

  ಬೆಳ್ತಂಗಡಿ ತಾಲೂಕಿನ ಕಡಿರುದ್ಯಾವರ ಗ್ರಾಮದ ಕಾನರ್ಪದ ರುಕ್ಮಯ್ಯ ಗೌಡ ಎಂಬವರಿಗೆ ಸೇರಿದ ಮನೆ ಇದಾಗಿದೆ. ಮನೆಯ ಒಂದು ಭಾಗ ಕುಸಿತದ ಸಂದರ್ಭ ಅಲ್ಲಿ ಮನೆ ಮಂದಿ ಇಲ್ಲದ ಕಾರಣ ಅಪಾಯದಿಂದ ಪಾರಾಗಿದ್ದಾರೆ. ಮನೆ ಕುಸಿತದಿಂದಾಗಿ ಅಪಾರ ನಷ್ಟ ಸಂಭವಿಸಿದೆ. ಇದೀಗ 1 ಭಾಗ ಕುಸಿತದಿಂದಾಗಿ ಮನೆ ಮಂದಿಗೆ ಆತಂಕ ಎದುರಾಗಿದೆ. ಆ ಮನೆಯಲ್ಲಿ ನೆಲೆಸಲು ರುಕ್ಮಯ್ಯ ಗೌಡ ಕುಟುಂಬ ಹಿಂದೇಟು ಹಾಕುತ್ತಿದೆ. ಸದ್ಯ ಮನೆಯಲ್ಲಿ ನೆಲೆಸಲೂ ಆಗದೆ, ಅದನ್ನು ದುರಸ್ಥಿಗೊಳಿಸಲಾಗದೆ ಮನೆ ಮಂದಿ ಚಿಂತಿತರಾಗಿದ್ದಾರೆ.