ರಾಖಿ ಖರೀದಿಸಲು ಹೋದ 8 ವರ್ಷದ ಬಾಲಕಿ ಮೇಲೆ ಕಾಮುಕನಿಂದ ಅತ್ಯಾಚಾರಕ್ಕೆ ಯತ್ನ

•   Mon, Aug 27 2018 11:36:38 AM



• ಮುಜಾಫರ್ ನಗರ, ಆ 27(SS): ರಾಖಿ ಖರೀದಿಸಲೆಂದು ಅಂಗಡಿಗೆ ಹೋದ 8 ವರ್ಷದ ಅಪ್ರಾಪ್ತ ಬಾಲಕಿಯೊಬ್ಬಳ ಮೇಲೆ ಅತ್ಯಾಚಾರಕ್ಕೆ ಯತ್ನಿಸಿರುವ ಹೇಯ ಘಟನೆ ನಡೆದಿದ್ದು, ಪೊಲೀಸರು ಕಾಮುಕನನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ. 

  

  ಉತ್ತರಪ್ರದೇಶದ ಮುಜಾಫರ್ ನಗರದಲ್ಲಿ ಈ ಅಮಾನುಷ ಘಟನೆ ನಡೆದಿರುವ ಬಗ್ಗೆ ವರದಿಯಾಗಿದೆ. ರಾಖಿ ಖರೀದಿಸಲೆಂದು ಹೋದ ಅಪ್ರಾಪ್ತೆಯ ಮೇಲೆ ಕಾಮುಕ ಅತ್ಯಾಚಾರಕ್ಕೆ ಯತ್ನಿಸಿದ್ದು, ಬಾಲಕಿ ಜೋರಾಗಿ ಚೀರಾಡಿದ್ದಾಳೆ. ಚೀರಾಟ ಕೇಳಿಸಿಕೊಂಡ ಕೆಲ ಸ್ಥಳೀಯರು ಅಲ್ಲಿಗೆ ಓಡಿ ಹೋಗಿ ಬಾಲಕಿಯನ್ನು ರಕ್ಷಿಸಿದ್ದಾರೆ. ಬಾಲಕಿ ಚೀರಾಡಿದ್ದರಿಂದ ಹೆದರಿದ ಆರೋಪಿ ಅಲ್ಲಿಂದ ಪರಾರಿಯಾಗಲು ಪ್ರಯತ್ನಿಸಿದ್ದಾನೆ.

  ಈ ವೇಳೆ ಕಾಮುಕನಿಗೆ ಸಾರ್ವಜನಿಕರು ಹಾಗೂ ಬಾಲಕಿಯ ಮನೆಯವರು ಹಿಡಿದು ಹೊಡೆದಿದ್ದು, ಬಳಿಕ ಆರೋಪಿಯನ್ನು ಪೊಲೀಸರಿಗೆ ಒಪ್ಪಿಸಿದ್ದಾರೆ.