ದುಷ್ಕರ್ಮಿಗಳ ತಂಡದಿಂದ ತಾಯಿ ಹಾಗೂ ಮಗುವಿನ ಅಪಹರಣ- ಬೆಚ್ಚಿಬಿದ್ದ ಕಾಸರಗೋಡು

•   Fri, Aug 31 2018 02:09:53 PM



• ಕಾಸರಗೋಡು, ಆ 31 (MSP) : ಕಾರಿನಲ್ಲಿ ಬಂದ ದುಷ್ಕರ್ಮಿಗಳ ತಂಡವು ಹಾಡಹಗಲೇ ತಾಯಿ ಮತ್ತು ಮಗುವನ್ನು ಅಪಹರಿಸಿದ ಘಟನೆ ಆ.31ರ ಶುಕ್ರವಾರ ಚಿತ್ತಾರಿಕ್ಕಾಲ್ ನಲ್ಲಿ ನಡೆದಿದೆ . ಚಿತ್ತಾರಿಕ್ಕಾಲ್ ವೆಲ್ಲಡ್ಕದ ಮನೋಜ್ ರವರ ಪತ್ನಿ ಮಿನು ( 23) ಮತ್ತು ಸಾಯಿ ಕೃಷ್ಣ (3) ಅಪಹರಣಕ್ಕೊಳಗಾದವರು. ಪೂರ್ವದ್ವೇಷದಿಂದ ಈ ಅಪಹರಣ ನಡೆದಿದೆಯೇ ಅಥವಾ ದುಷ್ಕರ್ಮಿಗಳ ಕೃತ್ಯವೇ ಎಂಬ ಬಗ್ಗೆ ತನಿಖೆಯನ್ನು ನಡೆಸಲಾಗುತ್ತಿದೆ.ಮೆಕ್ಯಾನಿಕ್ ಆಗಿರುವ ಮನೋಜ್ ಮನೆಯಿಂದ ತೆರಳಿದ ಬಳಿಕ ಘಟನೆ ನಡೆದಿದೆ. ಕಾರಿನಲ್ಲಿ ಬಂದ ತಂಡ ಕೃತ್ಯ ನಡೆಸಿದ್ದು, ದುಷ್ಕರ್ಮಿಗಳ ತಂಡವು ಮನೆಗೆ ಬಂದಿರುವುದಾಗಿ ಮಿನು ಪತಿ ಮನೋಜ್ ರಿಗೆ ಮೊಬೈಲ್ ಕರೆ ಮಾಡಿ ತಿಳಿಸಿದ್ದಳು. ಬಳಿಕ ಕರೆ ಮಾಡಿದಾಗ ಮೊಬೈಲ್ ಸ್ವಿಚ್ಡ್ ಆಫ್ ಆಗಿದೆ.
  
  

  

  

   

  ಬೊಬ್ಬೆ ಕೇಳಿ ಸ್ಥಳೀಯರು ಧಾವಿಸಿ ಬರುವಷ್ಟರಲ್ಲಿ ಕಾರಿನಲ್ಲಿ ಇಬ್ಬರನ್ನು ಅಪಹರಿಸಿ ತಂಡವು ಪರಾರಿಯಾಗಿದೆ. ಬಳಿಕ ಸ್ಥಳೀಯರು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಪೊಲೀಸರು ತನಿಖೆ ಆರಂಭಿಸಿದ್ದಾರೆ. ಘಟನೆ ಸುದ್ದಿ ತಿಳಿದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಡಾ. ಎ . ಶ್ರೀನಿವಾಸ್ , ಕಾಞ೦ಗಾಡ್ ಡಿ ವೈ ಎಸ್ ಪಿ ಪಿ. ಕೆ ಸುಧಾಕರನ್ , ಚಿತ್ತಾರಿಕ್ಕಾಲ್ ಠಾಣಾ ಸಬ್ ಇನ್ಸ್ ಪೆಕ್ಟರ್ ರಂಜಿತ್ ರವೀಂದ್ರನ್ ಸೇರಿದಂತೆ ಪೊಲೀಸ್ ಅಧಿಕಾರಿಗಳು ಸ್ಥಳಕ್ಕೆ ತಲಪಿ ದ್ದಾರೆ . ಶ್ವಾನ ದಳ ಮತ್ತು ಫಾರೆನ್ಸಿಕ್ ತಜ್ಞರು ಸ್ಥಳಕ್ಕೆ ತಲಪಿ ಮಾಹಿತಿ ಕಲೆ ಹಾಕುತ್ತಿದೆ. ಪೊಲೀಸರು ತನಿಖೆ ತೀವ್ರಗೊಳಿಸಿದ್ದಾರೆ. ಸುದ್ದಿ ತಿಳಿದು ಸ್ಥಳಕ್ಕೆ ತಲಪಿರುವ ಚಿತ್ತಾರಿಕ್ಕಾಲ್ ಪೊಲೀಸರು ತನಿಖೆ ಆರಂಭಿಸಿದ್ದಾರೆ. ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗಿದೆ.

  ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗಿದೆ.