ದೇಶದಲ್ಲಿ ಮತ್ತೆ ಪೆಟ್ರೋಲ್ - ಡೀಸೆಲ್ ಬೆಲೆ ಏರಿಕೆ

•   Fri, Aug 31 2018 03:41:58 PM



• ನವದೆಹಲಿ, ಆ31(SS): ಇಂಧನ ಬೆಲೆ ಗಗನಕ್ಕೆ ಏರುತ್ತಿರುವ ಬಗ್ಗೆ ಕಳೆದ ಕೆಲ ದಿನಗಳಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಬಹುದೊಡ್ಡ ಚರ್ಚೆಯಾಗುತ್ತಿರುವ ಬೆನ್ನಲ್ಲೇ, ಶುಕ್ರವಾರ ಮತ್ತೆ ಇಂಧನ ಬೆಲೆ ಏರಿಕೆಯಾಗಿದೆ.

  

  ರಾಜಧಾನಿ ದೆಹಲಿಯಲ್ಲಿ ಪೆಟ್ರೋಲ್ ದರ ಲೀಟರ್ ಗೆ 78 ರೂಪಾಯಿ 52 ಪೈಸೆ ಮತ್ತು ಡೀಸೆಲ್ ಗೆ 70 ರೂಪಾಯಿ 21 ಪೈಸೆಯಷ್ಟು ಹೆಚ್ಚಳವಾಗಿದೆ. ನಿನ್ನೆ ಪೆಟ್ರೋಲ್ ದರ ಲೀಟರ್ ಗೆ 22 ಪೈಸೆ ಮತ್ತು ಡೀಸೆಲ್ ಬೆಲೆ ಲೀಟರ್ ಗೆ 28 ಪೈಸೆಯಷ್ಟು ಹೆಚ್ಚಾಗಿತ್ತು.

  ಮುಂಬೈಯಲ್ಲಿ ಪೆಟ್ರೋಲ್ ದರ 85 ರೂಪಾಯಿ 72 ಪೈಸೆಯಿಂದ 85 ರೂಪಾಯಿ 93 ಪೈಸೆಯಷ್ಟಾಗಿತ್ತು ಮತ್ತು ಡೀಸೆಲ್ ದರ ಲೀಟರ್ ಗೆ 74 ರೂಪಾಯಿ 24 ಪೈಸೆಯಿಂದ 74 ರೂಪಾಯಿ 54 ಪೈಸೆಯಷ್ಟಾಗಿದೆ. ಕರ್ನಾಟಕ ರಾಜಧಾನಿ ಬೆಂಗಳೂರಿನಲ್ಲಿ ಇಂದು ಪೆಟ್ರೋಲ್ ದರ ಲೀಟರ್ ಗೆ 80 ರೂಪಾಯಿ 89 ಪೈಸೆಯಷ್ಟಾಗಿದೆ.