ಉಡುಪಿ: ಮಾಸ್ಕ್‌ ಹಾಕದವರಿಂದ ಒಂದು ದಿನದಲ್ಲೇ 41 ಸಾವಿರ ರೂ. ದಂಡ ವಸೂಲಿ

•   Wed, Mar 24 2021 02:34:46 PM



• ಉಡುಪಿ, ಮಾ.24 (DaijiworldNews/MB) : ಉಡುಪಿ ಜಿಲ್ಲಾಡಳಿತ ಕೊರೊನಾ ಮಾರ್ಗಸೂಚಿಯ ಪಾಲನೆಯನ್ನು ಕಟ್ಟುನಿಟ್ಟಾಗಿ ಜಾರಿಗೆ ತಂದಿದ್ದು ಮಾ.23ರಂದು ಒಂದು ದಿನದಲ್ಲೇ ಕೊರೊನಾ ನಿಮಯ ಉಲ್ಲಂಘನೆ ಮಾಡಿದವರಿಂದು ಒಟ್ಟು 41 ಸಾವಿರ ರೂ. ದಂಡ ವಸೂಲಿ ಮಾಡಿದೆ.

  

  ಕೊರೊನಾ ಎರಡನೇ ಅಲೆ ನಿಯಂತ್ರಣಕ್ಕೆ ಕಠಿಣ ಕ್ರಮ ಕೈಗೊಳ್ಳುತ್ತಿರುವ ಜಿಲ್ಲಾಧಿಕಾರಿ ಜಿ ಜಗದೀಶ್‌ ಅವರು ಸ್ವತಃ ಫೀಲ್ಡಿಗಿಳಿದು ಕಾರ್ಯಾಚರಣೆ ನಡೆಸಿದ್ದು ಮಾಸ್ಕ್ ಧರಿಸದವರಿಗೆ ದಂಡ ವಿಧಿಸಿದ್ದಾರೆ.

  ನಗರಸಭೆ, ಪುರಸಭೆ, ಪಟ್ಟಣ ಪಂಚಾಯತ್ ವ್ಯಾಪ್ತಿಯಲ್ಲಿ ಒಟ್ಟು 4,000 ರೂ., ಪಂಚಾಯತ್ ವ್ಯಾಪ್ತಿಯಲ್ಲಿ 5,300 ರೂ., ಅಬಕಾರಿ ಇಲಾಖೆಯಿಂದ 2,400 ರೂ., ಕಂದಾಯ ಇಲಾಖೆಯಿಂದ 9,900 ರೂ., ಪೊಲೀಸ್ ಇಲಾಖೆಯಿಂದ 19,400 ರೂ. ದಂಡ ವಸೂಲಿ ಮಾಡಲಾಗಿದೆ ಎಂದು ಜಿಲ್ಲಾಡಳಿತ ಪ್ರಕಟಣೆಯಲ್ಲಿ ತಿಳಿಸಿದೆ.

  ಈವರೆಗೆ ಉಡುಪಿ ಜಿಲ್ಲೆಯಲ್ಲಿ ಒಟ್ಟು 23,629 ಮಂದಿಯಿಂದ 25,21,500 ರೂ. ದಂಡ ವಸೂಲಿ ಮಾಡಲಾಗಿದೆ ಎಂದೂ ಜಿಲ್ಲಾಡಳಿತ ತಿಳಿಸಿದೆ.