ಗುರುವಾಯನಕೆರೆ: ಪೂರ್ವ ದ್ವೇಷದ ಹಿನ್ನೆಲೆ, ನಾಲ್ವರ ಮೇಲೆ ತಲ್ವಾರ್ ದಾಳಿ

•   Tue, Sep 04 2018 09:41:59 AM



• ಬೆಳ್ತಂಗಡಿ, ಸೆ 4 (MSP):  ಪೂರ್ವ ದ್ವೇಷದ ಹಿನ್ನೆಲೆಯಲ್ಲಿ ಎರಡು ಗುಂಪುಗಳು ನಡುವೆ ಕಾದಾಟವಾಗಿ ತಲ್ವಾರ್ ನಿಂದ ಹಲ್ಲೆ ನಡೆಸಿದ ಘಟನೆ ಸೆ ೦೩ ರ ಸೋಮವಾರ ರಾತ್ರಿ ಗುರುವಾಯನಕೆರೆಯಲ್ಲಿ ನಡೆದಿದೆ. ಘಟನೆಯಲ್ಲಿ ರಜಾಕ್ ಗಂಭೀರವಾಗಿ ಗಾಯಗೊಂಡಿದ್ದಾರೆ. ಸಫಾನ್, ಶಾರೂಕ್ ಹಾಗೂ ತಂಡದಿಂದ ಹಲ್ಲೆ ನಡೆದಿದೆ. ಗುಂಪುಗಳ ನಡುವೆ ಗಲಾಟೆ ಬಿಡಿಸಲು ಹೋದ ಹಂಜಾ ಆಲಿ ಎಂಬವರ ಮೇಲೂ ಹಲ್ಲೆ ನಡೆದಿದೆ. ಹಳೇ ವೈಷಮ್ಯದ ಹಿನ್ನಲೆಯಲ್ಲಿ ಇವರು ತಲ್ವಾರ್ ನಿಂದ ಹಲೆ ನಡೆಸಿ ಪರಾರಿಯಾಗಿದ್ದಾರೆ.

  

  ಗಾಯಾಳುಗಳನ್ನು ಆಟೋ ಚಾಲಕ ಅಬ್ದುಲ್ ರೆಹಮಾನ್, ಮಕ್ಕಳಾದ ರಫೀಕ್, ರಜಾಕ್ ಎಂದು ಗುರುತಿಸಲಾಗಿದೆ. ಘಟನೆಯಲ್ಲಿ ನಾಲ್ವರು ಗಾಯಗೊಂಡಿದ್ದು ಅವರಿಗೆ ಬೆಳ್ತಂಗಡಿ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸಲಾಗಿದೆ. ಬೆಳ್ತಂಗಡಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.