ಮಂಗಳೂರು: ಅತಿ ವೇಗದಿಂದ ಬರುತ್ತಿದ್ದ ಲಾರಿ ವಿದ್ಯಾರ್ಥಿಗೆ ಡಿಕ್ಕಿ - ವರ್ಷಿತ್ ಕೊಟ್ಯಾನ್ ಸ್ಥಳದಲ್ಲೇ ಸಾವು

•   Fri, Sep 07 2018 04:14:53 PM



• ಮಂಗಳೂರು, ಸೆ07(SS): ಭೀಕರ ರಸ್ತೆ ಅಪಘಾತದಲ್ಲಿ ವಿದ್ಯಾರ್ಥಿಯೊಬ್ಬ ದಾರುಣವಾಗಿ ಸಾವನ್ನಪ್ಪಿರುವ ಘಟನೆ ನಗರದ ಹೊರವಲಯದ ಕಿನ್ನಿಗೋಳಿಯಲ್ಲಿ ನಡೆದಿದೆ.

  

  ಮೃತ ವಿದ್ಯಾರ್ಥಿಯನ್ನು ಕರ್ನಾಡ್ ಮುಲ್ಕಿ ನಿವಾಸಿ ವರ್ಷಿತ್ ಕೊಟ್ಯಾನ್ ಎಂದು ಗುರುತಿಸಲಾಗಿದೆ.

  ಅತಿ ವೇಗದಿಂದ ಬರುತ್ತಿದ್ದ ಲಾರಿ ಡಿಕ್ಕಿ ಹೊಡೆದ ಪರಿಣಾಮ ಈ ಅವಘಡ ಸಂಭವಿಸಿದೆ. ಕಿನ್ನಿಗೋಳಿ ಸಮೀಪದ ಮೂರುಕಾವೇರಿ ಪೊಂಪೈ ಕಾಲೇಜಿನಲ್ಲಿ ವರ್ಷಿತ್ ಕೊಟ್ಯಾನ್ ತೃತೀಯ ಬಿಬಿಎಂ ವ್ಯಾಸಂಗ ಮಾಡುತ್ತಿದ್ದರು.

  ಮುಲ್ಕಿ ಪೊಲೀಸ್ ಠಾಣೆಯಲ್ಲಿ ಈ ಕುರಿತು ಪ್ರಕರಣ ದಾಖಲಾಗಿದೆ.