ಮಿಥುನ್ ರೈ-ಶರಣ್ಯ ಶೆಟ್ಟಿ ಎಂಗೇಜ್ ಮೆಂಟ್ - ಶೀಘ್ರದಲ್ಲಿ ವೈವಾಹಿಕ ಜೀವನಕ್ಕೆ ಕಾಂಗ್ರೆಸ್ ನ ಯುವ ನಾಯಕ

•   Tue, Sep 18 2018 01:04:22 PM



• ಮಂಗಳೂರು,ಸೆ 18 (MSP): ಜಿಲ್ಲಾ ಕಾಂಗ್ರೆಸ್ ನ ಯುವ ನಾಯಕ ಮಿಥುನ್ ರೈ ವೈವಾಹಿಕ ಜೀವನಕ್ಕೆ ಶೀಘ್ರದಲ್ಲಿಯೇ ಕಾಲಿಡಲಿದ್ದಾರೆ. ಮಂಗಳೂರಿನ ಶರಣ್ಯ ಶೆಟ್ಟಿ ಜತೆ ಸೆ 16 ರ ಭಾನುವಾರ ಸರಳ ಸಮಾರಂಭದಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ಈ ಶುಭ ಸಮಾರಂಭದ ಲ್ಲಿ ಕುಟುಂಬಸ್ಥರು ಮಾತ್ರ ಹಾಜರಿದ್ದರು. ತುಳುನಾಡಿನ ಸಂಸ್ಕೃತಿಯಂತೆ ಇದೇ ಸಂದರ್ಭ ಹಿರಿಯರ ಸಮ್ಮುಖದಲ್ಲಿ ತಾಂಬೂಲ ವಿನಿಮಯ ನಡೆಯಿತು.

   

  ಮಂಗಳೂರಿನ ಮಧ್ಯಮ ಕುಟುಂಬದಲ್ಲಿ ಜನಿಸಿದ ಶರಣ್ಯ ಶೆಟ್ಟಿ ಎಂಕಾಂ ಪದವೀಧರೆ. ಕಾಂಗ್ರೆಸ್ ನಲ್ಲಿ ಗುರುತಿಸಿಕೊಂಡಿರುವ ಮಿಥುನ್ ರೈ ಕಳೆದ ವಿಧಾನ ಸಭಾ ಚುನಾವಣೆಯಲ್ಲಿ ಟಿಕೆಟ್ ಆಕಾಂಕ್ಷಿಯಾಗಿದ್ದರು. ಅನೇಕ ಶ್ರೀಮಂತ ಮನೆತನದ ಸಂಬಂಧಗಳು ಬಂದಿದ್ದರೂ ಕೂಡಾ , ಸುಶಿಕ್ಷಿತವಾದ ಸರಳತೆಯ ಹುಡುಗಿಯನ್ನೇ ವಿವಾಹವಾಗಲು ನಿರ್ಧರಿಸಿದ್ದರು. ಅದರಂತೆ ಮನೆಯವರ ನೋಡಿ ಒಪ್ಪಿದ ಶರಣ್ಯ ಶೆಟ್ಟಿಯೊಂದಿಗೆ ಇದೀಗ ಮಿಥುನ್ ಎಂಗೇಜ್ ಮೆಂಟ್ ಮಾಡಿಕೊಂಡಿದ್ದು, ವಿವಾಹ ಮಾರ್ಚ್ ನಲ್ಲಿ ನಡೆಯಲಿದೆ.