ಮಂಗಳೂರು: ಕಾರ್ಮಿಕರಿಬ್ಬರ ಜಗಳ -ತಲೆಗೆ ಕಲ್ಲು ಎತ್ತಿ ಹಾಕಿದ ಪರಿಣಾಮ ಓರ್ವ ಗಂಭೀರ

•   Fri, Sep 21 2018 11:50:24 AM



• ಮಂಗಳೂರು, ಸೆ 21 (MSP): ಕಾರ್ಮಿಕರಿಬ್ಬರ ಕ್ಷುಲ್ಲಕ ಕಾರಣದ ಜಗಳ ಕೈಮೀರಿ ಹೋಗಿ ಓರ್ವನ ತಲೆ ಮೇಲೆ ಮತ್ತೋರ್ವ ಕಲ್ಲನ್ನು ಎತ್ತಿಹಾಕಿದ ಪರಿಣಾಮ ಕಾರ್ಮಿಕ ಗಂಭೀರ ಗಾಯಗೊಂಡ ಘಟನೆ ನಗರದ ಪದವು ಗ್ರಾಮದ ಯೆಯ್ಯಾಡಿ ಎಂಬಲ್ಲಿ ಸೆ 20 ರ ಗುರುವಾರ ರಾತ್ರಿ ನಡೆದಿದೆ. ಈ ಕೃತ್ಯ ಜಗದೀಶ್ ಶೆಟ್ಟಿ ಎಂಬಾತ ಎಸಗಿದ್ದಾನೆ ಎಂದು ಆರೋಪಿಸಲಾಗಿದ್ದು, ಘಟನೆಯಲ್ಲಿ ಕಾರ್ಮಿಕ ಡೇನಿಯಲ್ ಫೆರ್ನಾಂಡಿಸ್ ಗಾಯಗೊಂಡಿದ್ದಾನೆ.

  

  ಇವರಿಬ್ಬರು ಪದವು ಗ್ರಾಮದ ಯೆಯ್ಯಾಡಿ ಸುತ್ತಮುತ್ತ ಕೂಲಿ ಕೆಲಸ ಮಾಡಿಕೊಂಡಿದ್ದು ರಾತ್ರಿ ವೇಳೆ ರಸ್ತೆ ಬದಿಯಲ್ಲಿಯೇ ಮಲಗಿಕೊಳ್ಳುತ್ತಿದ್ದರು. ಆದರೆ ಗುರುವಾರ ರಾತ್ರಿ 9:30ರ ಸುಮಾರಿಗೆ ಕ್ಷುಲಕ ಕಾರಣಕ್ಕೆ ಇವರಿಬ್ಬರ ಮದ್ಯೆ ಜಗಳವಾಗಿದೆ. ಈ ವೇಳೆ ಆರೋಪಿ ಜಗದೀಶ್ ಶೆಟ್ಟಿ ಸಿಟ್ಟಿನಿಂದ , ಡೇನಿಯಲ್ ಫೆರ್ನಾಂಡಿಸ್ ತಲೆ ಮೇಲೆ ಕಲ್ಲನ್ನು ಎತ್ತಿ ಹಾಕಿದ್ದಾನೆ ಎನ್ನಲಾಗಿದೆ. ಪರಿಣಾಮ ಡೇನಿಯಲ್ ತಲೆಗೆ ಗಂಭೀರ ಸ್ವರೂಪದ ಗಾಯಗಳಾದ್ದು , ಕಂಕನಾಡಿಯ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

  ಈ ಬಗ್ಗೆ ಕಂಕನಾಡಿ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.