ಬಂಟ್ವಾಳ: ಆಶಾ ಕಾರ್ಯಕರ್ತೆಗೆ ನಿಂದಿಸಿ, ಜೀವ ಬೆದರಿಕೆ - ಪ್ರಕರಣ ದಾಖಲು

•   Sat, May 08 2021 07:26:37 PM



• ಬಂಟ್ವಾಳ, ಮೇ. 08 (DaijiworldNews/HR): ಮನೆ ಭೇಟಿಗೆ ಬಂದ ಆಶಾಕಾರ್ಯಕರ್ತೆಗೆ ನಿಂದಿಸಿ, ಹಲ್ಲೆಗೆ ಯತ್ನಿಸಿ ಜೀವ ಬೆದರಿಕೆ‌ ಒಡ್ಡಿದ ಘಟ‌ನೆಯೊಂದು ಬಂಟ್ವಾಳ ಗ್ರಾಮಾಂತರ ಠಾಣಾ ವ್ಯಾಪ್ತಿಯ ಸರಪಾಡಿಯಲ್ಲಿ ಶನಿವಾರ ನಡೆದಿದೆ.

  
  ಸಾಂಧರ್ಭಿಕ ಚಿತ್ರ

  ಸರಪಾಡಿ ಗ್ರಾಮದಲ್ಲಿ ಕೊರೊನಾ ಫಾಸಿಟಿವ್ ಆಗಿದ್ದ ಸೋಂಕಿತರೊಬ್ಬರ ಮನೆ ಭೇಟಿ ನಡೆಸಿದ ಆಶಾ ಕಾರ್ಯಕರ್ತೆ, ಯಾವುದೇ ಕಾರಣಕ್ಕೆ ಮನೆಯಿಂದ‌ ಹೊರಬಾರದಂತೆ ಮನೆ ಮಂದಿಗೆ ತಿಳಿಸಿ ಬರುತ್ತಿದ್ದ ಸಂದರ್ಭ, ಸೋಂಕಿತರ ಸಂಬಂಧಿಕರಾದ ಸರಪಾಡಿಯ ಸಂದೀಪ್‌ ಮತ್ತು ಸಂತೋಷ ಎಂಬವರು ನನ್ನ ಅತ್ತೆಗೆ ಕೊರೊನಾ ಟೆಸ್ಟ್‌ ಮಾಡಿಸಿ ಪಾಸಿಟಿವ್‌ ಬರಿಸಿದ್ದೇ ನೀನು, ನಿನಗೆ ಪಾಸಿಟಿವ್‌ ಬರಿಸಿದರೆ ಬಾರಿ ಹಣ ಬರುತ್ತದೆ ಎಂದು ಹೇಳಿ ಆಶಾ ಕಾರ್ಯಕರ್ತೆ ಮೇಲೆ ಹಲ್ಲೆ ಮಾಡಲು ಮುಂದಾಗಿ ಕೊಲೆ ಬೆದರಿಕೆ ಹಾಕಿದ್ದಾರೆ ಎಂದು ಬಂಟ್ವಾಳ ಗ್ರಾಮಾಂತರ ಠಾಣೆಗೆ ನೀಡಿದ ದೂರಿನಲ್ಲಿ ತಿಳಿಸಿದ್ದಾರೆ.

  ಆರೋಪಿಗಳ ವಿರುದ್ದ ಬಂಟ್ವಾಳ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಆರೋಪಿಗಳನ್ನು ವಶಕ್ಕೆ ಪಡೆದಿದ್ದಾರೆ.