ಸುಳ್ಯ: ಪಾದಾಚಾರಿಗೆ ಟೆಂಪೋ ಢಿಕ್ಕಿಯಾಗಿ ಸಾವು

•   Fri, May 28 2021 10:25:33 AM



• ಸುಳ್ಯ, ಮೇ 28 (DaijiworldNews/MS): ಕೆಲಸದಿಂದ ಹಿಂತಿರುಗುತ್ತಿದ್ದ ಪಾದಾಚಾರಿಯೊಬ್ಬರಿಗೆ ಲಾರಿ ಢಿಕ್ಕಿ ಹೊಡೆದು ಮೃತಪಟ್ಟ ಘಟನೆ ಸಂಪಾಜೆ ಗ್ರಾಮದ ಕಲ್ಲುಗುಂಡಿ ಸೊಸೈಟಿಯ ಬಳಿ ಮೇ 27ರ ಶುಕ್ರವಾರ ನಡೆದಿದೆ. ಮೃತರನ್ನು ಕಲ್ಲುಗುಂಡಿ ನಿವಾಸಿ ಚಂದ್ರಶೇಖರ (50) ಎಂದು ಗುರುತಿಸಲಾಗಿದೆ.

  

  ಚಂದ್ರಶೇಖರ ಅವರು ಕಲ್ಲುಗುಂಡಿ ಸೊಸೈಟಿಯ ಬಳಿ ರಸ್ತೆ ದಾಟುತ್ತಿರುವ ವೇಳೆ ಮಡಿಕೇರಿ ಕಡೆಯಿಂದ ಸುಳ್ಯ ಕಡೆಗೆ KA 11 B 9881 ನೋಂದಣಿಯ ಲಾರಿ ಚಾಲಕ ಅಜಾಗರೂಕತೆ ಮತ್ತು ನಿರ್ಲಕ್ಷ್ಯತನದಿಂದ ವಾಹನ ಚಲಾಯಿಸಿ ಢಿಕ್ಕಿ ಉಂಟುಮಾಡಿದ್ದಾನೆ.ಪರಿಣಾಮ ಚಂದ್ರಶೇಖರ ತಲೆಗೆ ಹಾಗೂ ಬಲಗೈಗೆ ಗಂಭೀರ ಗಾಯವಾಗಿದ್ದು, ಸುಳ್ಯ ಆಸ್ಪತ್ರೆಗೆ ಕರೆದೊಯ್ದಿದ್ದು ಅಲ್ಲಿ ಪರೀಕ್ಷಿಸಿದ ವೈದ್ಯರು ಚಂದ್ರಶೇಖರ ಅವರು ಮೃತಪಟ್ಟಿದ್ದಾರೆ. 

  ಈ ಅಪಘಾತಕ್ಕೆ ಕಾರಣವಾದ ಟೆಂಪೋ ಚಾಲಕನ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಬೇಕಾಗಿ ಮೃತರ ಸಂಬಂಧಿ ರವಿ ಕುಮಾರ್ ನೀಡಿದ ದೂರಿನಂತೆ ಸುಳ್ಯ ಠಾಣೆಯಲ್ಲಿ ದೂರು ದಾಖಲಾಗಿದೆ.