ಬೆಳ್ತಂಗಡಿ: ಮಹಿಳೆಗೆ ನಿಂದನೆ, ಜೀವ ಬೆದರಿಕೆ, ಠಾಣೆಯಲ್ಲಿ ಕೇಸು ದಾಖಲು

•   Tue, Oct 02 2018 09:50:51 PM



• ಬೆಳ್ತಂಗಡಿ, ಅ 2(SM): ವಿವಾಹಿತ ಮಹಿಳೆಯನ್ನು ಅವಾಚ್ಯವಾಗಿ ನಿಂದಿಸಿ ಜೀವಬೆದರಿಕೆ ಒಡ್ಡಿರುವ ಪ್ರಕರಣ ವೇಣೂರು ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.

  
  

  
  ಬೆಳ್ತಂಗಡಿ ತಾಲೂಕಿನ ಬಜಿರೆ ಗ್ರಾಮದ ಹೊಸಪಟ್ಣ ನಿವಾಸಿ ರಮೇಶ್ ಆಚಾರ್ಯ(36) ಪ್ರಕರಣದ ಆರೋಪಿ. ಸ್ಥಳೀಯ ನಿವಾಸಿ ಸುರೇಶ್ ಅವರ ಪತ್ನಿ ಮನೆಯಲ್ಲಿ ಒಬ್ಬರೇ ಇದ್ದ ವೇಳೆ ರಮೇಶ್ ಆಚಾರ್ಯ ಮನೆಗೆ ತೆರಳಿದ್ದಾರೆ. ಅಲ್ಲದೆ, ಬಾಗಿಲು ತೆರೆಯುವಂತೆ ಆಕೆಯಲ್ಲಿ ಒತ್ತಾಯಿಸಿದ್ದ ಎನ್ನಲಾಗಿದೆ. ಬಾಗಿಲು ತೆರೆಯಲು ಒಪ್ಪದೇ ಇದ್ದಾಗ ಅವಾಚ್ಯವಾಗಿ ನಿಂದಿಸಿದ್ದು ಅಲ್ಲದೆ ಜೀವಬೆದರಿಕೆ ಒಡ್ಡಿರುವುದಾಗಿ ಮಹಿಳೆ ಠಾಣೆಗೆ ನೀಡಿದ ದೂರಿನಲ್ಲಿ ಆರೋಪಿಸಿದ್ದಾರೆ.
  ನ್ಯಾಯಾಲಯದ ಆದೇಶದಂತೆ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.